3ª Semana Tempu Advento: Kinta-Feira, loron 18, fulan Dezembru 2025, December 18, 2025
Reflection on the WORD
Maluk sira mak Kristu hadomi,
“Maromak nia Planu Salvasaun nian” – Fiar: Evangelho ohin nian pinta kona-bá intervensaun divina sira Maromak nian iha Maria nia Conceição, liu husi Espíritu Santu; no José nia mehi liu husi anju ida. Maria no José, sira nain rua mós tama hamutuk iha uniaun ne’ebé kle’an ho Maromak. Sira hatene lolos Maromak nia Hakarak no halo tuir ida ne’e ho fuan tomak no la hanoin-sira-an rasik.Reflete; “Ita-nia relasaun ho Maromak ne’e, kle’an ka la’e?”
Mt 1:18-21,24
18Jesus Kristu moris nune'e: ema hakotu ona Maria, Jesus nia inan ba José. Molok sira moris hamutuk, Maria ko’us tiha ona hodi Espiritu Santu nia kbi’it. 19Nia la’en José, nebé ema laran los no lakohi hamoe Maria, hakotu atu husik de’it nia. 20Nia hanoin dau-daun buat ne'e, wainhira Na’i nia anju mosu ba nia iha mehi dehan: “José, David nia oan, keta tauk simu Maria nu’udar o nia kaben, basa nia ko’us hodi Espiritu Santu nia kbi’it. 21Maria sei tur ahi oan mane ida nebé o sei hanaran Jesus, basa Nia mak sei soi povu housi sira sala.” 24Hader tiha housi mehi, José halo tuir buat nebé Na'i nia anju haruka hodi simu nia kaben.
Today's Pointers on God's Word
As you read the passage what words, phases or meanings caught your attention?
- Semana ida antes Natal, Evangelho fó hanoin ba ita atu hein buat ne’ebé la hein no atu la koko buka esplikasaun ba buat hotu-hotu.
- José halo tuir anju maski nia dúvida, no nune’e halo Jesus bele moris.
-
Wainhira ita fiar Maromak no wainhira ita koopera ho Nia hodi halo tuir Nia Hakarak Santu, ita sei hetan ksolok, dame no grasa Natal ne’ebé nakonu ho kbi’it no admirasaun ne’ebé Maromak hakarak fó ba ita. Mai, Na’i Jesus!