3ª Semana Tempu Advento: Quarta-Feira, loron 17, fulan Dezembru 2025, December 17, 2025

Reflection on the WORD

Maluk sira mak Kristu hadomi,

“Maromak nia Planu Salvasaun” – Fiar: Mai ita refleta kona-bá liña-jerasaun Jesus nian, Mesias. “Husi Jerasaun tolu ne’e” ne’ebé ida-idak iha jerasaun sanulu-resin-haat simboliza: “Ona Mane moris mai atu sai Boot”; “Ema lakon ninia Kmanek” no “Ema hetan fali ninia Kmanek,” respetivamente. Reflete; “Nu’udar ita moris iha Maromak nia Planu Salvasaun laran; mai ita haksolok ho Dom Divinu nian ne’e ho kle’an liután.”

Mt 1:1-2a,6b,11b,16-17

1Jesus Kristu nia bei ala sira housi David to'o Abraao mak ne'e: 2Abraao mak Isaac nia aman; Isaac Jacob nia aman; Jacob mak  Juda ho nia alin sira nia aman. 6Jesse mak liurai David nia aman. . 11Josias mak Jeconias ho nia maun alin sira nia aman, iha tempu dadur nian iha Babilonia. 16Jacob hetan oan naran José, nebé kaben ho Maria. Jesus, nebé ema hanaran Kristu moris housi Maria. 17Nune'e housi Abraao to'o David, derasaun sanulu resin haat; housi David to'o tempu dadur nian iha Babilonia derasaun sanulu resin haat; no housi tempu dadur nian iha Babilonia to'o Kristu, derasaun sanulu resin haat.

Today's Pointers on God's Word

As you read the passage what words, phases or meanings caught your attention?

  • Iha jeraun 42 husi Abraão to’o tempu ne’ebé Jesus moris. Ita la hatene mós Jesus nia bei-ala barak. 
  • Se sira ema importante ka la’e, ne’e la’os kestaun ne’ebé importante liu. Buat importante mak sira Maromak kria ho dalan úniku iha misaun nu’udar parte husi Maromak nia planu salvasaun nian.
  • Iha dalan ne’ebé hanesan, ita ida-idak mós mak Maromak kria ho papél úniku atu kompleta Maromak nia Planu. Ita konsiente ka la’e ho missaun ida ne’e? Reflete kona-bá lia-loos ne’e no husu tok ba ita-nia an, “Oinsá mak Maromak dezafia ha’u atu moris tuir ha’u-nia papél iha Maromak nia planu salvasaun nian ba ema hotu-hotu”?