DGEMs

Maluk sira mak Kristu hadomi,

“Fiar ne’ebé Klean”: Jesus haktuir “Ai-knanoik Oan Mane Na’in-Rua” ba amu-lulik ulun sira no katuas sira atu dezafia sira; nu’udar ema sira ne’ebé povo Israel hili; atu sira fiél ba Maromak nia Planu original Salvasaun nian. Reflete; “Ita-nia kompromisu ne’e bele sai oténtiku de’it, se ita haraik-an, obediente no prontu atu serbí Maromak nia Hakarak, hodi tau fiar tomak iha Na’i nia providensia no Domin.”

28“Imi hanoin sa? Ema ida iha oan mane na’in rua. Nia ba ida uluk hodi dehan: ‘Oan, ohin o ba serbisu iha to’os,’ 29Oan ne’e hatan: ‘Ha’u lakohi.’ Maibe, la kleur, nia hakribi hodi ba. 30 Tuir mai, nia hakbesik ida seluk hodi dehan ba nia hanesan nia dehan ba ida uluk Ida ne’e hatan; ‘Ha’u ba, Na’i.’ Maibe nia la ba. 31Sira na’in rua ne’e, ida nebe mak halo tuir nia aman nia hakarak?” Sira hatan: “Ida uluk.” Jesus dehan ba sira: “Tebes, Ha’u dehan ba imi: ema publikanu no feto moris aat sira sei la’o uluk liu imi ba Maromak nia reinu. 32Joao mosu ba imi hodi hatudu dalan justisa nian, imi la fiar, maibe ema publikanu no feto moris aat sira fiar nia. Maibe imi, hare tiha ona, lakohi hakribi sala hodi fiar nia.”