DGEMs

Maluk sira mak Kristu hadomi,

“Lia-Loos-Ta’uk” – Fiar: Amu-lulik ulun sira kestiona Jesus nia autoridade, tanba duni sai troka-na’in osan nian husi Templu. Jesus hatán, “João Batista nia Batizmu mai husi ne’ebé; lalehan ka ema?” Sira ta’uk atu hasoru Lia-Loos kona-bá sé mak Jesus. Reflete; “Se ita la moris tuir Lia-Loos Evangelho nian, ita sei moris iha ta’uk nia laran ba nafatin.”

23Tuir mai Nia tama iha templu. Nia hanorin dau-daun, amlulik boot sira no katuas sira povu nian hakbesik Nia hodi dehan: “Ho kbi’it nebé mak o halo buat ne’e? Se mak fo ba o kbi’it ida ne’e?” 24Jesus hatan ba sira: “Ha’u mos sei husu buat ida ba imi: imi hatan karik, Ha’u sei dehan ba imi ho kbi’it nebé mak Ha’u halo buat ne’e. 25Joao nia baptismu mai housi nebé: housi lalehan, ka housi ema sira?” Maibé sira haksesuk malu dehan: “Ita hatan karik ‘Mai housi lalehan,’ Nia sei dehan mai ita: ‘ Ne’e duni, tansa imi la fiar nia?’ 26Maibé ita hatan karik ‘Mai housi ema, ita tauk ema lubun, basa ema hot-hotu fiar katak Joao profeta ida.” 27Ne’e duni, sira hatan ba Jesus: “Ami la hatene.” Nia dehan fali ba sira: “Ha’u mos sei la dehan ba imi ho kbi’it nebé mak Ha’u halo ne’e.”