DGEMs

Maluk sira mak Kristu hadomi,

“Bibi ne’ebé Lakon” – Fiar: Jesus haklaken kona-bá “Ai-knanoik Bibi ne’ebé Lakon” ba Ninia discípulu sira, atu hatudu Nia Aman nia Mizerikórdia Divina atu perdua ema sala-na’in sira hotu. Nia Hakarak atu salva ema sala-na’in ida-idak nu’udar Ninia oan doben. Reflete; “Ita valoriza Maromak nia Mizerikórdia Perdua nian ba ita-nia sala sira ka la’e? Ita valoriza ema sala-na’in sira nu’udar Maromak nia oan; ne’ebé presiza konversaun, no la’ós ita-nia Julgamentu maka’as ba sira-nia sala sira?”

12“Imi hanoin oin sa? Ema ida iha karik bibi atus ida, sira ne’e ida lakon tiha, nia sei la husik sira sia nulu resin sia iha foho hodi buka ida nebé lakon? 13Tebes, Ha’u dehan ba imi katak hetan tiha bibi ne’e, nia sei haksolok ho ida ne’e liu fali ho sira sia nulu resin sia nebé la lakon. 14Nune’e imi nia Aman iha lalehan lakohi atu kiik oan sira ne’e ida lakon.”