1ª Semana Tempu Advento: Sesta-Feira, loron 05, fulan Dezembru 2025, December 5, 2025
Reflection on the WORD
Maluk sira mak Kristu hadomi,
“Ema matan-delek – Fiar”: Ema matan-delek na’in-rua husu ho laran-manas ba Jesus atu kura sira. No, sira deklara sira-nia fiar iha Jesus, nu’udar Salvadór. Jesus kura sira, no sira haklaken hodi fó glória Maromak nian ba ema hotu-hotu. Reflete;“Jesus sempre halo milagre iha ita-nia moris, se ita deklara ita-nia fiariha Nia nu’udar ita-nia Salvadór ho kompromisu ne’ebé kle’an.Reflete tok ba se ita seidauk experiência ona milagre ne’ebé barak ona iha ita-nia moris ka?
Mt 9:27-31
27Jesus sai daudaun housi neba, ema matan delek na’in rua tuir Nia hodi hakilar dehan: “David nia Oan, sadia ami.” 28To’o tiha uma, matan delek sira hakbesik ba Nia. Jesus dehan ba sira: “Imi fiar katak Ha’u bele halo buat ne’e?” Sira hatan ba Nia: “Ami fiar, Na’i!” 29Nia kona sira nia matan dehan: “Sai diak ba tuir imi nia fiar!” 30Sira nia matan nakloke. Jesus hateten ba sira ho lia maka’as: “Keta fo hatene buat ne’e ba ema ida.” 31Maibé, sai tiha, sira halo Nia naran sai boot iha rai neba tomak.
Today's Pointers on God's Word
As you read the passage what words, phases or meanings caught your attention?
- Ita-nia Na’i bele no sei halo milagre no buat kmanek oi-oin ba ita, se bainhira ita iha fiar maka’as liu ba Nia. Ida ne’e mak sai razaun tanba sa Jesus hatudu laran-sadi’a ba ema matan delek na’in rua wainhira Nia kura sira husi sira-nia matan delek.
- Iha área ruma ne’ebé mak hanesan “nakukun” iha ha’u nia maneira moris nu’udar ema Kristaun, ezemplu: ha’u nia foti an-boot sira, la iha preokupasaun, la iha pasiénsia no la iha respeitu ba ema seluk, no seluk tan?
- Ema matan delek sira ne’ebé hetan kura, sira haklaken Jesus nia kbi’it ba ema hotu-hotu atu rona. Ha’u mós sente kbi’it no antuziazmu hanesan atu haklaken buat ne’ebé Kristu halo ona ba ha’u? Tanba sa?