DGEMs

Maluk sira mak Kristu hadomi,

“Fiar no Moris”: Iha Evangelho ohin nian, Jesus dehan ba Nia discípulu sira, “Ema ne’ebé rona Ha’u-nia Lia-fuan no halo tuir, nia mak ema matenek ne’ebé harii ninia uma iha fatuk-boot nia leten.” Reflete: “Ita hadomi Jesus liu husi ita-nia moris loron-loron nian ka la’e? Ita-nia domin ba Nia mak domin sakrifisiu nian: ne’ebé perdua, fahe ho laran-luak, no discerne ho haraik-anka la’e?”

21“La’os ema hotu nebé dehan mai Ha’u: ‘Na’i, Na’i!’ sei tama iha reinu lalehan, Maibé nia de’it nebé halo tuir Ha’u Aman iha lalehan nia hakarak. 24“Ne’e duni, ema nebé rona Ha’u nia liafuan hirak ne’e hodi  moris tuir, nia hanesan ema matenek nebé harii nia uma iha fatuk leten; 25udan tau, mota tun, anin hu’u hasouru uma ne’e, Maibé uma la monu basa hamriik iha fatuk leten. 26Maibé, ema nebé rona Ha’u nia liafuan hirak ne’e, no la halo tuir nia, nia hanesan ema beikten nebé harii nia uma iha rai henek leten. 27Udan tau, mota tun, anin hu’u hasouru hodi sobu uma ne’e; uma ne’e monu. Nia rahun aat liu.”