DGEMs

Maluk sira mak Kristu hadomi,

“Realidade Espirituál” – Fiar: Iha Evangelho ohin nian, Jesus harohan ba Nia Aman ho intimidade kle’an. Nia mós hatudu ba Ninia discípulu sira kona-bá priviléjiu ne’ebé sira iha atu bele “haré no rona” buat ne’ebé profeta no liurai barak la iha. No, previléjiu ida ne’e mak atu koñese Mesias no Lia-Fuan Di’ak Salvasaun nian. Reflete; “Ita valoriza priviléjiu boot ne’ebé ita mós iha hanesan Jesus nia discípulu sira ka la’e?”

21Iha oras neba Nia haksolok teb-tebes ho Espiritu Santu dehan: “Ha’u hahi Ita, Aman, lalehan no rai nia Na’in, basa Ita subar tiha buat sira ne’e housi ema matenek sira hodi fo hatene fali ba sira nebe kiik. Tebes, Aman, Ita hakarak duni nune’e. 22Ha’u nia Aman saran tiha buat hotu mai Ha’u. Ema ida la hatene se mak Oan, Aman deit mak hatene; no ema ida la hatene se mak Aman, Oan deit mak hatene, no ida nebe Oan Mane hakarak fo hatene ba nia.” 23Hafoin, haketak tiha nia eskolante sira housi sira seluk, Nia dehan: “Ksolok ba matan sira nebe hare buat nebe imi hare, 24Basa Ha’u dehan ba imi katak profeta no liurai sira barak uluk nian hakarak hare buat nebe imi hare, maibe sira la hare; no rona buat nebe imi rona, maibe sira la rona.”