DGEMs

Maluk sira mak Kristu hadomi,

“Haraik-an – Fiar”: Iha Evangelho ohin nian, Senturiaun Roma nian ida, ne’ebé iha reputasaun di’ak tanba tau matan ba ninia atan sira; husu ho haraik-an no fiar ne’ebé kle’an ba Jesus, atu kura ida husi ninia atan sira ne’ebé moras todan. Reflete; “Bainhira ita iha virtude sira hanesan ne'e, Maromak sei nunka failla atu hatán ba ita-nia orasaun sira hotu; tanba ita-nia fuan, moris no fiar iha unidade kle’an ho Nia.”

5Tama tiha iha Kafarnaum, senturiaun ida hakbesik ba Nia hodi harohan: 6“Na’i, ha’u nia atan toba iha uma, isin mate, terus aat liu.” 7Jesus dehan ba nia; “Ha’u sei ba fo isin diak ba nia.” Senturiaun simu fali 8“Na’i, ha’u la soi katak Ita boot tama iha ha’u nia uma laran, maibe Ita boot koalia liafuan ida deit, ha’u nia atan sei hetan fali isin diak; 9basa ha’u mos tuir sira nebe ukun ha’u, no mos iha soldadu sira nebe tuir ha’u. Ha’u dehan ba ida, ‘O ba,’ nia ba; ba ida seluk, ‘Halo ne’e,’ nia halo.” 10Rona tiha nia,  Jesus hakfodak hodi dehan ba sira nebe tuir Nia: “Tebes, Ha’u dehan ba imi, Ha’u seidauk hetan ema ida ho fiar boot hanesan ne’e iha Israel.