34ª Semana Tempu Komun: Tersa-feira, loron 25, fulan Novembru, 2025, November 25, 2025
Reflection on the WORD
Maluk sira mak Kristu hadomi,
“Maromak nia templu sira” – Fiar: Jesus haklaken kona-bá sobu templu Jeruzalén nian ne'ebé lori tinan haat-nulu resin neen atu harii; no katak Nia sei hamoris fali iha loron tolu nia laran. Jesus refere ba templu Santu isin nian ne'ebé sei moris-hi'as fali hafoin Jesus nia kruzifikasaun. Reflete; “Ita hatene katak ita-nia isin mak Espíritu Santu nia templu, no ita tenke sai santu?”
Lk 21:5-9
Jesus si’ik kona ba templu
5Tan ema balun koalia kona ba templu hodi hateten katak ema hafutar nia ho fatuk mesa furak no buat karan sira, Nia dehan: 6“Loron sei to’o wainhira buat ne’ebé imi hare dau-daun ne’e sei sobu hotu; fatuk ida sei la hela iha fatuk seluk nia leten.” 7Sira husu ba Nia: “Mestre, wainhira mak buat hirak ne’e mosu? Sira sei hahu ho sinal ida ne’ebé?” 8Nia hatan: “Hare ba, atu ema keta lohi imi; basa ema barak sei mosu mai hodi Ha’u nia naran dehan ‘Mak ha’u!’ no ‘Tempo besik ona!’ Keta tuir sira. 9Wainhira imi rona ema koalia kona ba funu no revolusaun sira, keta tauk, basa buat hirak ne’e hotu sei mosu uluk, maibe rohan seidauk to’o mai kedas.”
Today's Pointers on God's Word
As you read the passage what words, phases or meanings caught your attention?
- Jesus fó hanoin katak sei iha sinál sira hale'u ita ne'ebé bele lohi ita. Nuʼudar ninia eskolante sira neʼebé laran-metin, ita tenke aprende atu halo disernimentu hodi la monu ba mundu nia influénsia no profeta falsu sira neʼebé halo ita taʼuk.
- Bainhira ita iha tauk iha ita nia fuan keta hakiak sentimentu tauk sira nee. Envezde tau ita-nia fiar iha Maromak ne'ebé sei iha nafatin liu husi Espíritu Santu atu lori, proteje no fornese ita-nia nesesidade hotu iha moris.
-
Nu’udar Na’i nia eskolante sira, ita hetan chamada atu harohan, “Mai Na’i Jesus, bibi-atan ami-nia moris nian, no fonte ami-nia forsa no dame nian iha ami-nia ta’uk no laran-taridu sira”.