DGEMs

Maluk sira mak Kristu hadomi,

“Moris hi’as – Moris rohan laek” – Fiar: Iha Evangelho ohin nian, Jesus haklaken katak iha Reinu Lalehan, ita la moris no kaben hanesan ita moris iha rai. Ita mak, “oan sira moris-hi’as nian, ita la mate ona, ita hanesan anju sira”. Reflete; "Realidade ida-ne'e iha lalehan maka loos, maibé infelizmente, sarani barak maka konsidera lia-loos ne'ebé reveladu ida-ne'e hanesan buat baibain, no preokupa liu tan kona-bá sira nia moris iha rai."

Kona ba matebian sira nia moris hi’as

27Ema saduseu balun, ne’ebé la fiar moris hi’as, hakbesik hodi husu ba Nia: 28“Mestre, Moises hakerek mai ami: wainhira mane ida nia maun mate karik hodi husik nia feen maibe oan la iha, nia sei hola nia maun nia feto faluk ne’e atu fo oan sira ba nia maun. 29Iha kedas maun alin na’in hitu. Ida uluk hola feto, hodi mate, oan la iha. 30Alin ne’ebé tuir nia hola fali feto faluk ne’e; tuir mai ida seluk, nune’e mos sira na’in hitu hola nia no mate hotu la husik oan ida. 32Ikus liu, feto faluk mos mate. 33Ne’e duni, iha loron moris hi’as nian, feto ne’e se nia feen los? Basa sira na’in hitu hola tiha nia” 34Jesus hatan ba sira: “Mundu ne’e nia oan sira hola malu nudar laen feen, 35maibe sira ne’ebé soi ba mundu seluk no ba moris hi’as housi mate sira le’et, sira ne’e la kaben, 36tan sira la bele mate tan, basa sira hanesan anju sira. Sira Maromak nia oan, basa sira moris hi’as nia oan sira. 37Kona ba moris hi’as matebian sira nian, Moises rasik mak hatudu hodi hakerek kona ba aitarak ne’ebé lakan maibe ahi la han, wainhira nia bolu Na’i ‘Abraao nia Maromak, Isaac nia Maromak, no Jacob nia Maromak.’ 38Nia la’os matebian sira nia Maromak, maibe ema moris sira nian; basa ba Na’i, ema hotu moris hela.” 39Tuir mai, eskriba balun simu hodi dehan: “Mestre, Ita koalia los.” 40No sira la berani ona atu husu tan buat ida.