Aprezentasaun husi Maria Santíssima: Sesta-feira, loron 21, fulan Novembru, 2025, November 21, 2025
Reflection on the WORD
Maluk sira mak Kristu hadomi,
“Maria nia Santidade” – Fiar: Iha festa aprezentasaun ohin nian, Igreja selebra Maria nia “santidade” ne’ebé Maromak hili no santifika; atu prepara Maria atu sai Jesus nia Inan, Mesias. Reflete; "Laiha kriatura umana ida maka iha “onra” no “santidade” hanesan Maria. Maria koopera ho kompletu no perfeitu, atu kumpre Maromak nia planu salvífiku."
Mt 12:46-50
Jesus nia parenti los
46Wainhira Nia sei koalia dau-daun ba ema lubun boot, Nia inan ho Nia maun alin sira to’o mai iha liur hodi buka atu koalia ho Nia. 47Ema ida dehan ba Nia: “Ita nia inan no Ita nia maun alin sira hakarak koalia ho Ita”. 48Jesus hatan ba ida ne’ebé koalia ba Nia: “Se mak Ha’u nia inan, se mak Ha’u nia maun alin sira?” 49Hafoin Nia lolo liman ba nia eskolante sira hodi dehan: “Sira ne’e mak Ha’u nia inan no Ha’u nia maun alin sira. 50Basa ema hotu ne’ebé halo tuir Ha’u Aman lalehan nia hakarak, ema ne’e mak Ha’u nia maun, Ha’u nia feton no Ha’u nia inan.”
Today's Pointers on God's Word
As you read the passage what words, phases or meanings caught your attention?
- Relasaun, liu liu ho ita-nia família, importante tebe maibé, iha Evangelho ohin nian, Jesus hatudu mai ita katak ba Maria ninia relasaun ho Maromak mak importante liu. Nune’e, nia husik inan, aman no uma hodi halo tuir Maromak nia vontade.
- Dala barak ita senti dilema entre Maromak nia Vontade no ita-nia vontade umana. Jesus haree Maria nu’udar nia inan, maibé importante liu Nia konsidera Maria nia hakarak atu kumpre Ninia Aman nia vontade nu’udar sentrál iha ninia elojia sira ba Nia.
-
Maria mak ita-nia modelu atu tau Maromak uluk liu buat hotu. Se ita bele moris tuir Maromak nia Hakarak tomak, ita sei bele kona ema nia moris no dada sira ba Maromak ho efetivu liu tán.