DGEMs

Maluk sira mak Kristu hadomi,

“Arrependimentu ne’ebé kle’an”: Iha Evangelho ohin nian, Jesus hahi’i Zaqueu tanba nia arrependementu ne’ebé kle’an; hanesan kobradór impostu públiku; sala-na'in. Nia rona kona-bá Jesus nuʼudar Mesias no arrepende an tebes. Hanoin klean, “Hanesan Zaqueu, wainhira ita arrepende klean, Jesus sei bele haraik bensaun barak ba ita no hakonu ita ho Ninia Paz, Ksolok no Esperansa ne’ebé klean.”

Zaqueu

1Tama tiha iha Jeriko, Jesus la’o tesi sidade laran. 2Iha ema ida naran Zaqueio. Nia publikanu sira nia ulun, no nia ema riku ida.  3Nia buka namanas atu hare Jesus, maibe la bele tamba ema barak, basa nia ain badak. 4Nia halai ba oin hodi sa’e ba ai ida atu hare Jesus, ne’ebé sei liu housi neba. 5To’o tiha fatin neba, Jesus foti matan hodi dehan: “Zaqueu, tun mai lalais, basa ohin Ha’u sei hela iha o nia uma.” 6Nia tun kedas hodi simu Jesus ho ksolok boot. 7Hare tiha ne’e, sira hotu hamu’u dehan: “Nia tama iha maksalak ida nia uma!” 8Maibe Zaqueu hamriik hodi dehan ba Na’i: “Na’i, ha’u sei fahe ha’u nia rikusoi balun ba kiak sira; ha’u na’ok tiha karik ema ruma nia sasan, ha’u sei selu fali liu dala haat.” 9Jesus dehan ba nia: “Ohin maksoin tama iha uma ne’e, tan ema ne’e mos Abraao nia oan; basa Oan Mane mai buka hodi soi sira ne’ebé la’o lakon dalan.”