DGEMs

Maluk sira mak Kristu hadomi,

“Profeta falsu sira” – Fiar: Jesus fó avizu ba Ninia eskolante sira, “Kuidadu atu keta bosok, ema barak sei mai hodi ha'u nia naran, no lakohi hamutuk ho sira.” Reflete; “Profeta falsu sira, ez. husi mundu sekulár, oferese atrasaun sira; no aprezenta tentasaun sira ho promesa mamuk sira. Sira bele lohi ita ho fasil, liu liu bainhira ita-nia fiar, esperansa no domin ba Maromak la kle’an.”

Fihir kiak sira

12Tuir mai Jesus dehan ba ema ne’ebé konvida Nia: “Wainhira o halo festa, keta konvida o nia belun sira, o nia maun alin sira, o nia parenti sira ka o nia maluk riku sira; keta sira ne’e konvida fali o, nune’e sira selu fali o. 13Maibe, wainhira o halo festa, konvida ema kiak sira, ema kbiit laek sira, ema ain aat sira no ema matan delek sira. 14O sei hetan ksolok, basa sira ne’e la iha buat ida atu selu fali o; o sei simu o nia kolen wainhira ema diak sira sei moris hi’as.”

15Rona tiha buat ne’e, bainaka ida dehan ba Nia: “Rahun diak ba ema ne’ebé sei han ho Maromak iha nia reinu!” 16Jesus hatan ba nia: “Ema ida halo festa boot hodi konvida ema barak. 17Iha oras atu han nia haruka nia atan atu hateten ba sira: ‘Mai ona, buat hotu hadia tiha ona.’ 18Maibe sira hotu hahu dehan buat oi-oin. Ida uluk dehan ba nia: ‘Ha’u foin sosa rai no ha’u sei ba hare nia; ha’u husu diskulpa.’ 19Ida seluk dehan: ‘Ha’u foin sosa karau par lima no ha’u sei koko sira; ha’u husu diskulpa.’