32ª Semana Tempu Komun: Kinta-feira, loron 13, fulan Novembru, 2025, November 13, 2025
Reflection on the WORD
Maluk sira mak Kristu hadomi,
“Maromak nia Providénsia” – Fiar: Iha Evangelho ohin nian, Jesus haklaken katak vinda daruak ninia Reinu nian iha Maromak nia Tempu; no la'ós iha ema nia tempu no hanoin. Reflete; “Ita tenke moris ita-nia fiar, esperansa no domin ba Maromak ho vijilánsia.Ita-nia hakarak no mehi hotu mak atu fó sasin kona-bá Jesus nia Misaun Salvasaun nian, no hakbesik ema seluk ba Maromak.”
Lk 17:20-25
Maromak nia reinu to’o ona
20Fariseu sira husu wainhira mak Maromak nia reinu sei to’o. Nia hatan ba sira dehan: “Maromak nia reinu la mai hodi hatudu an. 21Ema ida la bele dehan: ‘Mak ne’e,’ eh ‘Mak neba;’ basa Maromak nia reinu iha ona imi le’et.”
22Tuir mai Nia dehan ba nia eskolante sira: “Loron sei to’o wainhira imi sei hakarak hare Oan Mane nia loron ida, no imi sei la hare. 23Ema sira sei dehan ba imi: ‘Nia mak ne’e,’ eh ‘Nia mak neba.’ Keta ba, keta tuir. 24Basa nudar railakan nabilan housi lalehan nia hun to’o nia rohan, nune’e mos sei mosu iha Oan Mane nia loron. 25Maibe uluk knanain Nia sei terus boot, ema housi otas ne’e sei hakribi Nia.
Today's Pointers on God's Word
As you read the passage what words, phases or meanings caught your attention?
- Reinu Lalehan nian prezente ona iha ne'e no agora. Ita ida-idak hetan bolun atu “halo” Maromak nia Reinu sai prezente liu tan ba ema seluk liu husi ita-nia sasin kona-bá valór sira Evangelho nian.
- Maibé, ita parese taka no matan-delek ho valór sekulár sira mundu nian no nune'e iha tendénsia atu la tau atensaun ba valór Evangelho sira Maromak nia Reinu nian.
-
Reza ba grasa sira ne'ebé ita presiza atu sai sintonizadu liu tan hodi moris ho kompletu no fidelidade liu tan iha Maromak nia dalan sira. Se ita sinseru, Maromak sei nunka falla atu akompaña ita iha ita-nia viajen fiar nian.