DGEMs

Maluk sira mak Kristu hadomi,

“Ingratidaun ba Jesus ” – Fiar: Iha Evangelho ohin nian, Jesus kura ema lepra na’in sanulu. Maibé, ida de’it, leprozu jentiu, fila fali no hahi’i no agradese kle’an ba Nia. Jesus sente deziludidu ho ema moras-lepra na'in neen seluk ne'ebé maka foti Ninia Domin Kompaixaun hanesan buat baibain. Reflete; “Ita hahi'i no agradese ba Maromak ba buat hotu ne'ebé Nia fó no halo mai ita?

Ema moras lepra na’in  sanulu

11Jesus liu housi Galileia no Samaria atu ba Jerusalem. 12Wainhira nia tama dau-daun ba knua ida, ema moras lepra na’in sanulu mai hasouru Nia. 13Housi dook sira hasa’e lia dehan: “Jesus, mestre, sadia atan ami!” 14Hare tiha sira, Nia dehan ba sira: “Imi ba hatudu imi an ba amlulik sira.” La’o tuir dalan, sira sai mos ona. 15Sira ida, hare katak nia isin diak fali ona, fila fali hodi hahi Maromak ho lia maka’as; 16nia taka oin ba rai besik Jesus nia ain hodi agradese. Ema ne’e Samaritanu ida. 17Jesus dehan ba nia: “La’os ema na’in sanulu mak sai mos? Sira na’in sia iha ne’ebé? 18Sira ida la fila mai atu fo gloria ba Maromak, mak ema malae ne’e de’it?” 19Hafoin Nia dehan ba ema ne’e:  “Hamriik, la’o ba! O nia fiar mak soi o!”