DGEMs

Maluk sira mak Kristu hadomi,

"Arrependimentu - Ita-nia sala sira" - Fiar: Iha Evangelho ohin nian, Jesus haklaken "Ai-knanoik kona-bá bibi ne’ebé lakon" hodi espresa Ksolok boot sira iha lalehan ba ema sala-na'in ida nia arrependimentu duké ema sala-na'in ida ho sala venial sira. Reflete; “Ita dook ona husi Maromak ka ita-nia relasaun ho Nia kle’an no pesoál? Reza ba grasa sira atu loke ita-nia fuan loroloron ba Maromak nia Domin Mizerikórdiozu nian.”

Bibi ne’ebé lakon

1Publikanu no maksalak sira hotu hakbesik Jesus atu rona Nia. 2Fariseu no eskriba sira hamu’u dehan: “Ema ne’e simu maksalak sira hodi han hamutuk ho sira.” 3Tan ne’e, Nia haktuir ba sira aiknanoik ida ne’e: 4“Imi ida ne’ebé mak, iha karik bibi atus ida no lakon tiha ida, la husik sia nulu resin sia seluk iha rai fuik maran, hodi ba buka ida ne’ebé lakon to’o hetan nia? 5Hetan tiha, nia tau bibi ne’e ho ksolok iha nia kbaas. 6To’o tiha uma, nia bolu belun no maluk sira, hodi dehan ba sira: ‘Haksolok ho ha’u ba, basa ha’u hetan fali ona ha’u nia bibi ne’ebé lakon.’ 7Ha’u dehan ba imi katak iha lalehan sei haksolok tamba ema maksalak ida ne’ebé hakribi nia sala, liu fali ema diak sia nulu resin sia ne’ebé la kuran atu hakribi sala.”