DGEMs

Maluk sira mak Kristu hadomi,

“Disernimentu” - Fiar: Iha Evangelho ohin nian, Jesus haklaken ba ema lubun boot katak se ita la iha vontade atu lori ita-nia krúz sira; ita labele sai Ninia eskolante. Reflete; "krúz” sira ne'ebé ita tenke lori, maka sira ne'ebé fó sasin ba Jesus nia Evangelho. No ita tenke fiar tomak iha Maromak ita-nia Aman nia Providénsia; no hetan orientasaun, inspirasaun no kbiit hosi Espíritu Santu."

Husik buat hotu atu tuir Jesus

25Ema lubun boot la’o hamutuk ho Jesus. Nia fila oin hodi dehan ba sira: 26 “Ema ruma mai tuir Ha’u karik, maibe la hewai nia aman, inan, feen, oan sira, to’o nia moris rasik, ema ne’e la bele sai ha’u nia eskolante. 27Ema ne’ebé la lori nia krus hodi tuir Ha’u, nia la bele sai ha’u nia eskolante. 28Imi ida ne’ebé mak, atu halo uma aas ida, la tur uluk lai atu sura buat ne’ebé kuran, hodi hare nia iha osan ka lae atu halo to’o hotu? 29Keta halo be, foin hahu harii, nia la iha kbiit atu halo to’o rohan. Hafoin sira ne’ebé hare, hahu hamoe nia dehan: 30 ‘Ema ne’e hahu harii, maibe la bele halo to’o rohan!’” 31 “Eh liurai ida ne’ebé mak ba funu hasouru liurai seluk, la tur uluk lai hodi hanoin di-diak nia bele ka lae ho de’it soldadu rihun sanulu ba hasouru ida ne’ebé mai hasouru nia ho soldadu rihun rua nulu? 32La bele karik, wainhira ida seluk sei dook hela, nia haruka kedas manuain atu ba husu dame. 33Nune’e mos imi hotu ne’ebé la husik imi nia rikusoi tomak, la bele sai ha’u nia eskolante.”