DGEMs

Maluk sira mak Kristu hadomi,

“Loron matebian sira hotu” – Fiar: Iha Evangelho ohin nian, Jesus resusita feto-faluk nia oan-mane mesak husi Nain. Ema sira iha sidade fó glória ba Maromak tanba Jesus nia milagre de Kompaixaun nian. Reflete; "Bainhira ita reza ba klamar sira ne'ebé mate ona, ita iha fiar kle'an iha Maromak nia Domin Mizerikórdiozu nian atu perdua sira nia sala sira? Ita hein ka ita ta'uk atu hasoru Maromak bainhira ita mate?"

Feto faluk nia oan moris hi’as fali

11Tuir mai Nia ba sidade ida naran Naim. Nia eskolante sira no ema lubun boot tuir Nia. 12Wainhira Nia besik ona sidade nia odamatan, ema lori atu hakoi ema mate ida, feto faluk ida nia oan mane mesak. Ema barak housi sidade ba hamutuk ho feto ne’e. 13Hare tiha nia, Na’i hanoin nia ho laran hodi dehan ba nia: “Keta tanis!” 14Nia hakbesik, hodi kona kaisaun. Sira ne’ebé lori nia hamriik tiha. Hafoin nia dehan: “Klosan, Ha’u dehan ba o, hamriik ba!” 15Ema mate ne’e tur no hahu koalia. Jesus saran nia ba nia inan. 16Ema hotu hakfodak hodi hahi Na’i Maromak dehan: “Profeta ida mosu tiha iha ita nia le’et; Maromak mai hare tiha nia povu!” 17Lia kona ba Nia naklekar ba Judeia tomak no ba rai hot-hotu besik neba.