DGEMs

Maluk sira mak Kristu hadomi,

“Loron Santu no Santa sira hotu” – Fiar: Iha Evangelho ohin nian kona-bá “Bem-aventurança sira” kapta santu sira-nia espíritu ne’ebé sira-nia moris iha unidade kle’an ho Jesus. Reflete; “Bem-aventuranças sira” no husik Espíritu Santu atu inspira no hakle’an ita-nia hakarak sira atu sai hanesan santu sira; ne’ebé ninia matenek mak atu hahi’i, respeita no serbí Maromak iha buat hotu; ba Ninia Glória ne'ebé boot liu.

Liafuan ksolok sira nian

  2Nia hahu hanorin sira hodi dehan: 3“Ksolok ba ema sira ne’ebé kiak iha laran, basa reinu lalehan sira nian. 4Ksolok ba sira ne’ebé tanis, basa sira sei hetan ksolok; 5ksolok ba sira ne’ebé laran kmaus, basa sira sei simu rai nudar liman rohan. 6Ksolok ba sira ne’ebé hamlaha no hamrook ba justisa, basa sira sei bosu. 7Ksolok ba sira ne’ebé laran luak, basa sira sei hetan laran luak. 8Ksolok ba sira ne’ebé laran mos, basa sira sei hare Maromak. 9Ksolok ba sira ne’ebé harii dame, basa ema sei hanaran sira Maromak oan. 10Ksolok ba sira ne’ebé ema fo terus tan buka justisa, basa reinu lalehan sira nian. 11Ksolok ba imi wainhira, tamba Ha'u, ema hateten aat imi, duni imi no bobar lia bosok hasouru imi. 12Imi haksolok ba, foti neon ba, basa imi nia kolen boot liu iha lalehan; basa nune'e mos mak sira duni profeta sira ne’ebé mai uluk liu imi.”