30ᵃ Semana Tempu Komun: Sexta-Feira, loron 31, fulan Outubro, 2025, October 31, 2025

Reflection on the WORD

Maluk sira mak Kristu hadomi,

“Lei sira Sabat nian” – Fiar: iha Evangelho ohin, Jesus husu Farizeu sira, “iha loron sábado bele fó isin diak ba ema moras ka la’e?” Ema Farizeu sira iha ona apego (laran metin/attachment) kona-bá lei sira sábado nian, sira tuir los de’it lei sábado nian ate lakon sira nia kompaixaun no domin ba sira ne’ebé mak moras no terus iha sira nia le’et. Lei sira sábado nian la hatudu Maromak nia mizerikórdia no domin kompassivo. Reflete; ita obedese ba obrigasaun fiar nian de modo superfisial no matan delek los de’it ka oinsa?

Lk 14:1-6

Milagre ida tan iha loron Sabadu

1Iha loron Sabadu ida, Jesus tama iha fariseu boot ida nia uma atu han. Sira hotu hateke ba Nia. 2Ema moras isin bubu ida mai hamriik iha nia oin. 3Jesus hateten ba ukun na’in no fariseu sira: “Iha loron Sabadu bele fo isin diak ba ema moras, ka lae?” 4Sira nonok de’it. Tuir mai, kaer tiha ema moras nia liman, Jesus fo isin diak ba nia hodi haruka nia ba. 5Hafoin nia dehan ba sira: “Iha imi nia le’et, se mak la dada sai nia kuda burro ka nia karau ne’ebé monu iha be matan, maski iha loron Sabadu?” 6Sira la bele hatan buat ida kona-bá ne’e.

Today's Pointers on God's Word

As you read the passage what words, phases or meanings caught your attention?

  • Iha evangelho ohin, Jesus dezafia ema Farizeu sira hodi halo kontrastu ida kona-bá oinsa sira nia vivência fiar ba lei Sábadu Judeu nian ne’ebé rígidu lós, iha ne’ebé sira la iha konsistência tamba husik hela sira ne’ebé moras tamba de’it hakarak tuir lei sábado nian. 
  • Jesus saliente katak sira nia pratika lei sábado nian prevene sira atu hatudu Maromak nia Domin, mizerikórdiozu no kompaixaun ba sira ne’ebé presiza sira nia tulun. 
  • Iha momentu saida de’it iha ita nia moris mak ita mos hatudu rigidu fiar nian wainhira ema hein ita atu tulun sira? Por exemplo, ita iha fuan ne’ebé to’os atu fó perdaun ba ita nia maun-alin-feton ruma iha ita nia família?