30ᵃ Semana Tempu Komun: Quarta-Feira, loron 29, fulan Outubro, 2025, October 29, 2025

Reflection on the WORD

Maluk sira mak Kristu hadomi,

“Fiar ne’ebé Fraku”: iha Evangelho ohin, Ema ida husu Jesus se ema it’oan de’it mak hetan salvasaun. Jesus responde dehan “haka’as-an atu tama liu housi odamatan kloot, basa Ha’u dehan ba imi katak ema barak sei koko atu tama, mai sei la iha kbiit...imi sei hamrik iha liu”. Reflete; arrependimentu boot liu mak wainhira ita besik ona atu mate, ita konsiente katak durante ita moris, ita nia fiar fraku ka namlele los no ita la apresia Maromak nia laran luak no domin ne’ebé Nia fó ona mai ita.

Lk 13:22-25ª, 29-30

Odamatan kloot

22Jesus liu housi sidade no knua sira atu ba Jerusalem hodi hanorin. 23Ema ida husu ba Nia: “Na’i, ema uitoan de’it mak sei hetan maksoin?” Nia hatan ba sira: 24“Haka’as an atu tama liu housi odamatan kloot, basa Ha’u dehan ba imi katak ema barak sei koko atu tama, Maibé sei la iha kbiit. 25Wainhira uma na’in hader hodi taka tiha ona odamatan, imi sei hamriik iha liur hodi tuku odamatan dehan: ‘Na’i, loke mai ami!’ Nia sei hatan: ‘Ha’u la hatene imi mai housi ne’ebé.’

29Ema sei mai housi loromonu no lorosa’e, housi tasimane no tasifeto, no sira sei tur han iha Maromak nia reinu. 30Sira ne’ebé ohin ikus sei sai uluk; no sira ne’ebé ohin uluk sei sai ikus fali.”

Today's Pointers on God's Word

As you read the passage what words, phases or meanings caught your attention?

  • Maromak nia Reino la pertense de’it ba grupo sira ne’ebé professa katak sira fiar iha Na’i Jesus hanesan sira nia salvador. Ita nia qualidade de vivencia fiar nian mak sei determina ita nia sasin Kristu nian iha ita nia moris lorloron. 
  • Iha Evangelho ohin, Jesus ko’alia makas ba ita hodi dehan katak ita labele moris ho fiar ne’ebé fraku ka namlele de’it. Ita presiza dezafia ita nia-an hodi kultiva fini fiar, esperansa no domin ba ita Na’i iha ita nia moris tomak. 
  • Jesus mós dezafia ita atu hanoin de’it katak ita mak los liu, santu liu hodi julga fali ema seluk. Ita presiza husik Maromak mak julga ema seluk. Ita konsentra de’it ba oinsa ita bele sai discípulo lolos Kristu nian iha ita nia moris.