Festa São Simão no Judas, Apostolos: Tersa-Feira, loron 28, fulan Outubro, 2025, October 28, 2025

Reflection on the WORD

Maluk sira mak Kristu hadomi,

“Jesus passa tempu iha orasaun pessoal" – Fiar: iha Evangelho ohin, “Jesus passa kalan tomak iha orasaun ba Maromak, Nia Aman doben. Iha dader loron tuir mai, Jesus hili ninia apostolu sira; haklaken Evangelho, kura sira ne’ebé mak moras, no duni sai diabo. Reflete; hanesan Jesus, ita mós presiza kria relasaun intimo ida ho Maromak liu husi ita nia vida orasaun nian no koko atu discerne Maromak nia vontade iha ita nia moris.

Lk 6:12-13, 17-19

12Iha loron hirak neba Nia sa’e ba foho atu harohan; kalan tomak Nia harohan ba Maromak. 13Iha dader, Nia bolu ba nia An eskolante sira, hodi fihir housi sira le’et na’in sanulu resin rua ne’ebé Nia hanaran ‘apostolu’. 17Tun tiha hamutuk ho sira, Jesus tur iha rai tetuk ida. Iha neba eskolante barak ho tan ema lubun boot housi rai Judeia tomak, housi Jerusalem no housi tasi ibun Tiro no Sidonia nian, 18mai atu rona Nia no mos atu hetan isin diak housi sira nia moras no sira ne’ebé espiritu foer sira book, no sira hotu hetan diak. 19Sira hotu buka atu kona nia, basa kbiit sai housi Nia hodi fo isin diak ba sira hotu.

Today's Pointers on God's Word

As you read the passage what words, phases or meanings caught your attention?

  • Jesus ba foho ida hodi halo orasaun kalan tomak. Tamba sa mak Jesus senti katak Nia presiza halo orasaun? Tamba sa mak ita presiza reza? 
  • Iha orasaun, Jesus hases-an husi Nia preokupasaun lorloron nian – hanorin no kura sira ne’ebé moras, no Nia hakarak atu hametin Nia relasaun ho Nia Aman doben liu husi ninia orasaun pessoal sira. 
  • Se ita ladun reza, ita nia moris ladun hakmatek no ita ladun serbí Maormak ho diak no ikus laiha frutus diak husi ita nia moris hanesan discípulo/a Jesus nian. Reflete; kada loron presiza kria espasu ida atu bele halo exame de conciência ida ba ita nia loron hodi nune’e ita bele hatene oinsa Maromak involve-an iha ita nia moris.