DGEMs

Maluk sira mak Kristu hadomi,

“Kantén - beikten" – Fiar: iha Evangelho ohin, Jesus relata ba ita narativa ida kona-bá ema riku ne’ebé beik hodi fo oin ba sira ne’ebé rona Nia atu foku ba dom ka presente moris rohan laek nian. Reflete; Avareza mak dezeju bot atu buka no halibur rikusoin mundu nian. Jesus hakilar ‘ema riku ne’ebé beik’ tamba ema ne’e planu atu moris konfortavel ba tinan barak nia laran, maibé Maromak bolu nia fila kedas wainhira nia sei planu hela.

15Hafoin Nia dehan ba sira: “Imi hare ba, keta kaan rikusoi, basa, la’os ema nia rikusoi mak halo ema moris liu.” 16Tuir mai, Nia haktuir ba sira aiknanoik ida ne’e: “Ema riku ida hetan aihan barak housi nia to’os. 17Nia hanoin hodi dehan ba nia an: ‘Ha’u sei halo sa los? Basa ha’u fatin la iha atu rai ha’u nia aihan sira.’ 18Hafoin nia dehan: ‘Ha’u sei halo nune’e: ha’u sei sobu ha’u nia aihan fatin hodi harii ida seluk boot liu fali ida ne’e; iha neba ha’u sei rai aifuan hotu to’os nian ho ha’u nia rikusoi tomak. 19No ha’u sei dehan ba ha’u nia klamar: ‘Ha’u klamar, o iha sasan barak ne’ebé rai hela ba tinan wa’in; hakmatek ba, han hemu hodi haksolok ba.’ 20Maibé Maromak dehan ba nia: ‘Beikten! Iha kalan ne’e  kedas Ha’u sei bolu o nia klamar; sasan sira ne’ebé o rai hela sei sai se nian?’ 21Nune’e mos sei mosu ba ema ne’ebé rai hela rikusoi ba nia an, Maibé la sai riku ba Maromak.”