DGEMs

Maluk sira mak Kristu hadomi,

“Moris ba Maromak” – Fiar: iha Evangelho ohin, Jesus dehan “labele tauk sira ne’ebé mak so bele hamate ita nia isin; Maibé tauk sira ne’ebé iha poder atu soe o ba infernu. Reflete; Reza hodi husu Espírito Santo nia roman no sabedoria atu bele moris de’it ba Maromak; atu labele moris iha superfesialidade: hodi buka de’it zona komfortu, buka asegura de’it rikusoin mundu nian ne’ebé sei la dura tamba Maromak bele bolu ita iha qualquer tempu.

Jesus hanorin aten berani

1Tuir mai, wainhira ema lubun boot teb-tebes halibur an hamutuk to’o sira hanehan malu, Jesus hahu ko’alia ba nia eskolante sira dehan: “Imi matan moris ba kona-bá fariseu nia fermentu, katak sira nia laran makerek. 2Buat hotu ne’ebé taka hela, sei nakloke; no buat hotu ne’ebé subar hela, sei fo hatene sai. 3Tan ne’e, buat ne’ebé imi dehan iha nakukun laran, ema sei rona iha loron nabilan; no buat hotu ne’ebé imi hateten nei-neik ba ema nia tilun sub-subar, ema sei fo sai maka’as iha uma nia kakuluk. 

4Ha’u nia belun sira, Ha’u dehan ba imi: keta tauk sira ne’ebé oho isin, hafoin la bele halo tan buat ida. 5Ha’u sei dehan ba imi se los mak imi ten ke tauk: imi sei tauk ida ne’ebé, oho tiha isin, iha mos kbiit atu soe ema ba infernu. Tebes, Ha’u dehan ba imi, Nia mak imi ten ke tauk.