27ᵃ Semana Tempu Komun: Sexta-Feira, loron 10, fulan Outubro, 2025, October 10, 2025

Reflection on the WORD

Maluk sira mak Kristu hadomi,

“Divizaun - estraga” – Fiar: iha Evangelho ohin, Jesus haklaken katak “reinu hotu ne’ebé fahe malu sei monu; uma ida sei mohu iha uma seluk; inklui mós satanás, nia fahe karik nia-an ba rua, nia sei monu”. Reflete; Jesus konfronta nia inimigo sira ne’ebé tenta atu kondena ka la valoriza milagre sira ne’ebé Jesus hatudu ona ba sira. Ita defende Maromak nia Lialos ho korajem, kompromisu no humildade?

Lk 11:15-20

15Maibé ema balun dehan: “Nia duni sai diabu hodi Beelzebu, diabu sira nia ulun, nia naran.” 16Balun fali husu ba Nia sinal ida housi lalehan, atu koko Nia. 17Maibé, hatene tiha sira nia hanoin, Nia dehan ba sira: “Reinu hotu ne’ebé fahe malu sei sobu rahun, no uma ida sei monu iha uma seluk nia leten. 18Nune’e mos, Satanas fahe karik nia an ba rua, nia reinu sei tahan oin sa los? Basa imi dehan katak hodi Belzebu mak Ha’u duni sai diabu sira. 19Ha’u duni sai diabu sira hodi Belzebu nia naran karik, hodi sa nia naran mak imi nia oan sira duni sai sira? Tan ne’e mak sira sei tesi lia ba imi. 20Maibé Ha’u duni sai diabu sira hodi Maromak nia limanfuan karik, ne’e dehan katak Maromak nia reinu to’o ona ba imi.

Today's Pointers on God's Word

As you read the passage what words, phases or meanings caught your attention?

  • Jesus halo milagre barak hodi hatudu katak Maromak nia Reino to’o ona. Maski nune’e, Jesus nia inimigo sira la fiar hodi akuza Nia hodi dehan katak poder ne’ebé Jesus iha mai husi satanas atu manan fali satanas seluk. 
  • Ita bele simu ho haraik-an katak ita nia sala no pekadu sira bele sai impedimentu ba ema seluk hodi fiar no moris tuir Maromak nia vontade? 
  • Jesus mós afirma katak dalaruma ita laiha certeza ‘sei ita hamutuk ho Jesus ka kontra Jesus’. Hanesan seguidores Kristu nian, ita presiza husu ita nia-an, oinsa ita nia seriedade hodi sai sasin Maromak nia Reino iha ita nia moris?