26a Semana Tempu Komun: Tersa-feira, 30 Fulan Setembru 2025, September 30, 2025

Reflection on the WORD

Maluk sira mak Kristu Hadomi,

 

"Rejeisaun ba Jesus" - Fiar: Iha Evangelho ohin nian, Jesus hetan rejeisaun husi ema pagaun sira iha Samaria. Ida ne'e mak início ba Jesus nia terus boot sira ne’ebé sei tuir mai; ne'ebé lori nia ba Mate iha Krus, iha Jeruzalem. Reflete; "Kuandu ita involve iha serbísu iha Maromak nia Misaun sira; ita hein no prontu ba dezafiu sira ne'ebé nakonu ho terus sei akontese ba ita; simu de’it dezafiu sira-ne'e, hanesan Jesus nia krus ho fiar ho laran tomak ba Maromak nia Providénsia ka la’e?"

Lc 9:51-56

51Wainhira tempu atu husik rai ne’e besik dau-daun ona, Jesus, hodi hakarak, hahu la’o ba Jerusalem. 52Nia haruka manuain sira atu ba uluk. Sira ne’e la’o ba, hodi tama iha ema Samaria sira nia knua ida, atu hadia fatin ba Nia. 53Maibé sira la simu Nia basa Nia atu sa’e ba Jerusalem. 54Hare tiha ne’e, eskolante sira, Tiago no Joao, dehan ba Nia: “Na’i, Ita hakarak katak ami hamulak atu ahi tun housi lalehan hodi han sira?” 55Maibé Nia fila oin hodi si’ak sira. 56Tuir mai, sira la’o fali ba knua seluk.

Today's Pointers on God's Word

As you read the passage what words, phases or meanings caught your attention?

  • Wainhira Jesus sai daudaun ba Jerusalem, Nia konsiente katak “tempu” ba Ninia terus, paixaun no mate nia komesa dau-daun ona. Ema hahu la simu Nia.
  • Jesus simu reijeisaun hirak ne’e nu’udar parte ou konsikuensia atu halo tuir Nia Aman nia hakarak. Nia hatene no nia iha hakarak tomak determinadu no la senti buat ida bele impede no deskoraza nia ho rejeisaun sira ne’e.
  • Bainhira ita serbí ba Maromak iha ita nia moris, ita mós fasil tebes lakon ita nia esperansa ho fasil rende de’it bainhira ita hasoru rejeisaun no obstaclu sira?