Anju Santu Arkanju sira: Miguel, Gabriel, Rafael: Segunda-feira, 29, fulan Setembru, 2025, September 29, 2025
Reflection on the WORD
Maluk sira mak Kristu Hadomi,
“Arkanju Santu sira” – Fiar: Iha Evangelho ohin nian, Jesus haklaken Lia-loos kona-bá existénsia “anjos Maromak nian ne’ebé sa’e no tun husi lalehan”. Reflete; “Anju Sira mak Maromak nia instrumentu atu serbí Nia Misaun Salvasaun nian, liu hosi dalan oioin. “São Arkanju Miguel hanesan Protetór; Gabriel hanesan Mensajeiru no Rafael hanesan Kura-na’in. Ita esperiénsia Anju sira ne’e loron-loron iha ita-nia moris ka la’e?”
Jn 1:47-51
47Hare Natanael hakbesik ba Nia, Jesus dehan kona-bá nia: “Ida ne’e mak ema Israel lo-los, iha nia la iha lia bosok!” 48Natanael husu ba Nia: “O hatene ha’u oin sa?” Jesus hatan: “Molok Filipe bolu o, Ha’u hare ona o iha ai figueira okos.” 49Natanael dehan fali: “Rabbi, Ita mak Maromak nia Oan Mane, Ita mak Israel nia Liurai!” 50Jesus hatan: “Tan Ha’u hateten ba o katak Ha’u hare ona o iha ai figueira okos, mak o fiar? O sei hare buat boot liu fali ida ne’e.” 51Hafoin Jesus dehan ba nia: “Tebes, Ha’u dehan ba imi: imi sei hare lalehan nakloke, ho Maromak nia anju sira sa’e no tun ba Oan Mane.”
Today's Pointers on God's Word
As you read the passage what words, phases or meanings caught your attention?
- Arkanzu Miguel, Gabriel, no Raphael Maromak kria sira atu “proteje, komunika, no kura” ita. Sira ne’e mak Maromak nia dalan atu hadomi no tau matan ba ita iha kada momentu.
- Ita tenki agradese ba Maromak iha tempu hotu-hotu ba Ninia kuida ne’ebé bei-beik no ba nafatin hodi hatan ba ita nia nesesidade sira no dezeju sira iha moris ne’e.
-
Tanba Maromak hadomi tebes ita, nu’uné ita mós, simu vokasaun atu tau matan mos ba ema seluk sira nia nesesidade liu-liu ba sira ne’ebé iha ida-idade katuas no ferik nian, sira ne’ebé fraku, no iha família, vizinho no mundu haluha no la tau matan ba sira.