24a Semana Tempu Komun: Sesta-feira, 19, fulan Setembru, 2025, September 19, 2025
Reflection on the WORD
Maluk sira mak Kristu Hadomi,
“Jesus – Serbisu sira Pastoral nian: Iha Evangelho ohin nian, Jesus hetan tulun husi Nia Apóstolu Sanulu-Rua no discípulu sira ne’ebé mak serbí no fó-tulun ba iha Nia Misaun. Reflete; “Ita ida-idak hetan bolu husi Maromak, ho konsiensia katak, Maromak haraik nia bensaun sira ba ita; atu ita utiliza la’ós de’it ba ita-nia salvasaun rasik de’it, maibé mós ba serbisu sira Igreja nian, ba mós ema seluk; no ba Maromak nia Glória ne’ebé Boot Liu tan.”
Lk 8:1-3
1Liu tiha ne’e, Nia la’o housi sidade ida ba sidade seluk no housi knua ida ba knua seluk, hodi hanorin no haklaken liafoun diak kona-bá Maromak nia reinu. Sira sanulu resin rua la’o hamutuk ho Nia, 2no mos feto balun nebe hetan diak housi moras oi-oin no housi espiritu aat sira: Maria nebe ema hanaran Madalena, housi nia diabu hitu sai tiha ona; 3Joana, Herodes nia atan Cusa nia feen, Susana no feto seluk tan, nebe tulun sira ho sira nia rikusoi.
Today's Pointers on God's Word
As you read the passage what words, phases or meanings caught your attention?
- Durante tinan tolu husi Ninia serbisu iha públiku, Jesus la’o ba fatin barak hamutuk ho nia apostolu sira ho feto balu ne’ebé mai husi fatin ne’ebé la hanesan.
- Jesus transforma grupu ho ema ne’ebé ho personalidade no karater oi-oin ne’e no utiliza sira nia talento sira ba nesesidade sira pastoral nian ne’ebé mak mosu iha fatin sira ne’e. Maski iha desafiu oi-oin, iha ne’eba sempre iha ksolok ne’ebé bo’ot liu ba sira wainhira hala’o Maromak nia hakarak no serbí Nia Povo.
-
Harohan ba Maromak atu halakan ahi iha ita nia fuan ba Nia atu nu’uné ita bele uza ita nia talentu sira no tempu ne’ebé livre liu tan no ho generosidade ba Nia no ba Nia povu ne’ebé hein atu simu Liafuan diak salvasaun nian.