DGEMs

Maluk sira mak Kristu Hadomi,

“Valor Evangelho Jesus nian” – Fiar: Iha Evangelho ohin nian, Jesus dehan ba Nia discípulu sira, “Hadomi imi-nia inimigu sira, halo buat di’ak ba sira ne’ebé ódio imi; haraik bensaun ba sira ne’ebé fó malisan ba imi; harohan ba sira ne’ebé trata imi ho aat.” Reflete; “Se ita moris duni hanesan Kristu; ida-ne’e sei transforma ita-nia moris radicalmente. Harohan ba grasa atu ita bele iha matan no fuan hanesan Jesus nian; atu nune’e ita bele moris no hadomi besik liu tan hanesan Nia, iha ita nia moris loron-loron.”

27“Ha’u dehan ba imi sira nebe rona dau-daun: hadomi imi nia funubalun sira, halo diak ba sira nebe hirus imi;  28fó bensa ba sira nebe fó malisan ba imi, harohan ba sira nebe ko’alia aat imi;  29ba ida nebe basa o nia hasan ida, fó tan o nia hasan seluk; ba ida nebe hadau o nia unuk, fó tan o nia hatais; 30ba ida nebe husu buat ruma, fó ba; ba ida nebe hola o nia sasan sira, keta husu fali. 31Nu’udar imi hakarak ema halo ba imi, halo mos nune’e ba sira. 36Buka sai ema laran luak hanesan imi nia Aman laran luak.  37Keta hanoin aat ema, no ema sei la hanoin aat imi; keta duu matak ema, no ema sei la duu matak imi. Fó perdua ba, no imi sei hetan perdua. 38Fó ba, no imi sei simu; ema sei tau ba imi nia liman buat diak barak, hanehan tun, doko tan to’o naresin. Basa imi sura oin sa ba ema, nune’e mos ema sei sura ba imi.”