23a Semana Tempu Komun: Tersa-feira, 09, fulan Setembru, 2025, September 9, 2025

Reflection on the WORD

Maluk sira mak Kristu Hadomi,

 

“Maromak nia Planu Salvasaun nian” – Fiar: Jesus discerne Nia Aman nia Hakarak molok nia hili Nia Apóstolu sira. Nia mós hatudu Maromak nia Domin Laran-luak hodi kura ema moras sira. Reflete; “Ita-nia terus boot liu: mak kle’an liu fíziku ka isin nian (exp. moras), liu fali ita-nia emosaun sira (exp. fuan-kanek no depresaun), no ita-nia terus espirituál nian (exp. falta fiar, esperansa no domin ba Maromak ne’ebé oferese ita Moris Rohan laek nian).

Lk 6:12b-19

12Kalan tomak Nia harohan ba Maromak. 13Iha dader, Nia bolu ba nia An eskolante sira, hodi fihir housi sira le’et na’in sanulu resin rua nebe Nia hanaran ‘apostolu’ 14Simao, nebe Nia hanaran Pedro, ho nia alin Andre; Tiago, Joao, Filipe ho Bartolomeu; 15Mateus, Tome; Tiago, Alfeu nia oan; Simao nebe hanaran Zeloso; 16Judas, Tiago nia oan, no Judas Iscariotes nebe sei saran Nia.

17Tun tiha hamutuk ho sira, Jesus tur iha rai tetuk ida. Iha neba eskolante barak ho tan ema lubun boot housi rai Judeia tomak, housi Jerusalem no housi tasi ibun Tiro no Sidonia nian, 18mai atu rona Nia no mos atu hetan isin diak housi sira nia moras no sira nebe espiritu foer sira book, no sira hotu hetan diak. 19Sira hotu buka atu kona nia, basa kbi’it sai housi Nia hodi fó isin diak ba sira hotu.

Today's Pointers on God's Word

As you read the passage what words, phases or meanings caught your attention?

  • Jesus serbisu no la sura kolen hodi kumpri Nia Aman nia hakarak. Nia passa tempu kalan tomak iha orasaun molok Nia hili Nia apostolu sira. Hafoin nia hatan kedas ba nesesidade ema lubun sira ne’ebé halibur hamutuk atu rona Nia no hetan kura ba sira nia moras. 
  • Bainhira ita serbí ba Maromak nia povo ita tenki hala’o knaar ne’e hodi la sura kolen no halo ho laran loos hodi buka no hatudu dalan ne’ebé lori ema besik ba Maromak. Hanesan iha Evangelho, sei iha ema lubun bo’ot ne’ebé sei hamrok ba grasa ksolok sira rohan laek nian. 
  • Ita hakas an duni atu serbí no lori Maromak nia liafuan diak salvasaun nian ba ema iha ita nia moris loron-loron nian ka la’e? Karik ita iha família nia membru, belun no parente ruma ne’ebé presiza rona Maromak nia Liafuan Diak sira?