22a Semana Tempu Komun: Tersa-feira, 02, fulan Setembru, 2025, September 2, 2025

Reflection on the WORD

Maluk sira mak Kristu Hadomi,

 

“Seguransa Boot Liu – Fiar”: Iha Evangelho ohin, Jesus proklama Lianfuan Di’ak kona-bá Salvasaun ho Autoridade boot. Ida-ne’e, hetan afirmasaun maka’as kuandu Nia duni diabu sai husi ema ida nia laran. Reflete; “Ita fraku, la seguru, no sala-na’in. Ita-nia seguransa boot liu mak iha Maromak Kbi’it-Boot, Domin, Laran-sadi’a no Laran-luak nia prezensa, iha ita-nia moris.”

Lk 4:31-37

31Nia tun ba Kafarnaum, sidade ida Galileia nian. Nia hanorin sira iha loron Sábado. 32Ema sira hakfodak ho nia doutrina, basa Nia ko’alia ho kbi’it. 

33Iha sinagoga laran, ema ida ho espiritu foer hakilar ho lia maka’as dehan: 34 “iha sa ida iha ami no O, Jesus Nazare? O mai atu halo aat ami? Ha’u hatene O se los: Maromak nia santu!” 35Nia si’ak ema ne’e dehan: “Nonok no sai tiha housi nia!” Soe tiha ema ne’e ba rai iha sira hotu nia oin, diabu sai housi nia, la halo aat ida ba nia. 36Sira hotu hakfodak no tauk, hodi hateten ba malu: “Liafuan ne’e sa los? Ho kbi’it no ukun, Nia haruka espiritu foer sira sai, no sira sai duni!” 37Jesus nia naran boot habelar iha fatin hot-hotu iha rai neba.

Today's Pointers on God's Word

As you read the passage what words, phases or meanings caught your attention?

  • Jesus nia hanorin hafanun ema no fó impresaun ne’ebé kle’an ba sira hotu ne’ebé rona Nia tanba Nia ko’alia Maromak nia Liafuan ho autoridade no lialos.
  • Jesus nia Liafuan sira mos nakonu ho kbi’it; sira bele duni sai demônio sira. Ita bele simu duni Maromak nia liafuan sira bainhira ita le’e ka rona sira bainhira ema haklaken ba ita ka la’e? 
  • Hanoin didi'ak Maromak nia Liafuan ho kle’an no beibeik no husik Nia kbi’it hiit-an bo ita-nia laran no transforma ita-nia moris loron-loron nian. Halo nu’une de’it mak Espírito Santo sei hatudu nia dalan ba ita.