DGEMs

Maluk sarani sira mak Kristu hadomi,

“Hakraik-an, Realidade, Fiar”: Iha Evangelho ohin nian, Jesus haklaken ba farizeu sira kona-bá sira-nia nesesidade atu konsiente kle’an liu tan kona-bá sira-nia “glória ba an rasik” no “espetativa falsu kona-bá onra”. Reflete: “Ita-nia onra loloos mai husi ita-nia identidade nu’udar Maromak nia oan ne’ebé folin-boot. Bainhira ita hetan onra, ita tenke reflete katak Maromak tenke sai nafatin sentru no razaun ba ita-nia onra tomak.”

Fatin uluk liu no ikus liu

1Iha loron Sabadu ida, Jesus tama iha fariseu boot ida nia uma atu han. Sira hotu hateke ba Nia. 

7Hare tiha oin sa bainaka balun fihir tur fatin diak, Jesus haktuir ba sira aiknanoik ida ne’e: 8“Ema ruma konvida karik o ba festa kaben ida, keta tur iha meja ulun; keta uma na’in konvida ema boot liu o karik; 9hafoin, ema ne’ebé konvida imi na’in rua sei dehan ba o: ‘Fo lai fatin ba ema ne’e.’ Nune’e o sei moe boot, hodi ba tur iha fatin ikus liu. 10Maibe wainhira ema konvida o, ba tur iha fatin ikus liu; nune’e, wainhira ema ne’ebé konvida o to’o mai, nia sei dehan ba o: ‘Belun, mai tur liu leten.’ Nune’e ema hotu ne’ebé tur hamutuk iha meja sei hahi o. 11Basa ema ne’ebé foti an, Na’i sei hatun nia; no ema ne’ebé haraik an, Na’i sei foti nia.”