21ª Semana Tempu Komun: Tersa-feira, loron 26, fulan Agostu, 2025, August 26, 2025

Reflection on the WORD

Maluk sarani sira mak Kristu hadomi,

 

"Ipokrizia iha Fiar": Iha Evangelho ohin nian, Jesus hirus tebes ba eskriba sira no farizeu sira nia fiar hipokrita. Sira nia fiar la hatudu sinseridade no domin ruma ba Maromak. Pelu kontráriu, sira uza sira nia fiar atu fó glória ba sira-nia an, iha dalan sira ne'ebé bosok. Reflete: "Ita bele 'lohi ema seluk iha prátika esterna ita-nia fiar nian, maibé Maromak haré no hatene ita-nia intensaun loloos."

Mt 23:23-26

23Susar ba imi, eskriba no fariseu sira, laran makerek! Imi selu du’ut morin sira nia impostu hodi tau ba kotuk buat hirak ne’ebé boot liu iha ukunfuan: justisa, laran luak no fiar metin. Tuir lolos, imi sei halo tuir buat hirak ne’e hodi la hewai buat seluk. 24Imi matadalan matan delek sira ba ema matan delek sira. Imi tais susuk maibe tolan kuda kamelu! 25Susar boot ba imi, eskriba no fariseu sira, laran makerek! Imi hamos kopu no bikan sira housi liur, maibe iha laran, sira nakonu ho na’ok no buat foer. 26Fariseu matan delek sira, hamos uluk kopu no bikan laran ba atu bele sai mos iha liur. 

Today's Pointers on God's Word

As you read the passage what words, phases or meanings caught your attention?

  • Ita-nia hahalok hanesan ho ema farizeu sira ka la’e? Ita fó atensaun no kuidadu barak ba oinsá ita aparese fíziku no emosionál, maibé ita ladún preokupa ho ita-nia nesesidade espirituál no relasaun ho ita-nia Na'i.
  • Bainhira ita ‘Espiritualmente mós’ i.e. ita-nia relasaun ho Maromak metin, ita bele iha serteza katak ita mós sei hatene oinsá atu jere no moris moris ida ne’ebé saudavel liu iha ne’ebé osan no sasán sira la hadau ita-nia “ksolok loloos” iha moris.
  • Oinsá ita nia moris loron-loron nian saudável no integradu? Ita hetan Maromak iha sentru ba ita nia moris no iha desizaun importante sira? Reflete kona-bá lia-loos ida-ne'e ohin.