DGEMs

Maluk sarani sira mak Kristu hadomi,

“Maromak kbiit divina iha ita-nia laran” – Fiar: Iha Evangelho ohin nian, Jesus haklaken katak ita-nia kapasidade ema nian limitadu, fraku no labele konfia. Maibé, se ita fiar iha Maromak no moris tuir Ninia dalan sira, entaun Nia bele halo buat hotu iha ita, liu husi Ninia Kbiit no Domin Divinu. Reflete: “Ita depende demais ba ita-nia an rasik; katak ita-nia fiar, esperansa no domin ba Maromak sai superfisiál?”

 “Tebes, Ha’u dehan ba imi: ema riku ida atu tama iha reinu lalehan susar. 24Tebes, Ha’u dehan ba imi: lalais liu ba kuda kamelu ida tama iha daum nia kuak liu fali ema riku ida tama iha reinu lalehan.” 25Wainhira eskolante sira rona lia ne’e, sira hakfodak hodi dehan: “Nune’e se los mak bele soi an?” 26Jesus fihir sira hodi dehan: “Ba ema sira, ne’e la bele; maibe ba Maromak buat hotu bele de’it.”

 27Tuir mai Pedro hasa’e lia dehan: “Be ami ne’ebé husik tiha buat hotu hodi tuir Ita Boot: ba ami ne’e sa ida?” 28Jesus dehan ba sira: “Tebes, Ha’u dehan ba imi: imi sira ne’ebé tuir Ha’u, iha mundu foun, wainhira Oan Mane tur iha nia kadunan gloria nian, imi sei tur mos iha kadunan sanulu resin rua hodi tesi lia ba suku sanulu resin rua Israel nian. 29Ema hotu ne’ebé husik uma, maun alin, feton, aman, inan, oan sira ka rai, tan Ha’u nia naran, sei simu dala atus ida liu tan hodi simu mos nudar liman rohan moris rohan laek. 30Barak ne’ebé uluk, sei ikus fali; no sira ne’ebé ikus, sei uluk fali.”