DGEMs

Maluk sarani sira mak Kristu hadomi,

“Ukun-fuan sira – Sai Perfeitu”: Iha Evangelho ohin nian, Jesus haklaken katak sé ita hakarak “sai perfeitu”, ita simu bolun atu tau Maromak iha sentru iha ita nia moris. Reflete: “Ita tenke moris tuir Maromak nia hakarak hodi halo tuir Ninia ukun-fuan sira; maibé ho destakamentu kle’an husi buat hotu no ema hotu ne’ebé impede ita atu hadomi Maromak ho laran tomak no ho haraik-an kle’an liu tan.”

Mane klosan riku

16La kleur mane ida hakbesik ba Nia dehan: “Mestre, ha’u sei halo buat diak sa atu hetan moris rohan laek?” 17Jesus husu ba nia: “Tansa o husu Ha’u kona ba buat ne’ebé diak? Ida de’it mak diak. Maibe, o hakarak tama ba moris karik, halo tuir ukunfuan sira ba.” 18Nia husu fali: “Ukunfuan ne’ebé?” Jesus hatan: “Keta oho, keta sala ho ema nia kaben, keta na’ok, keta foti lia falsu; 19hamtauk o nia aman ho inan, hadomi o nia maluk hanesan o an rasik.” 20Klosan ne’e dehan ba Nia: “Ha’u halo tuir ona buat ne’e hotu: ha’u sei halo tan sa ida?” 21Jesus dehan ba nia: “O hakarak sai ema diak lo-los karik, ba fa’an tiha o nia sasan hotu hodi fahe ba ema kiak sira, nune’e o sei hetan rikusoi iha lalehan; hafoin mai tuir Ha’u.”