DGEMs

Maluk sarani sira mak Kristu hadomi,

“Maria nia Asunsaun” – Fiar: Reflete: “Iha selebrasaun ohin nian ba Solenidade Asunsaun Maria nian ba Lalehan, Igreja afirma, Maria nia moris puridade nian, Sala-laek, no obediénsia Perfeita hodi moris tuir Aman nia Hakarak; nu’udar Mesias nia Inan. Hafoin ne’e, nia hetan onra divina nu’udar isin no klamar, bainhira lori ba lalehan, no ba lalehan. Tempu husi nia moris iha rai to'o ona nia rohan.”

Maria ba hare Isabel

39Iha loron hirak neba Maria hiit an lalais ba foho, ba knua ida iha Juda. 40To’o tiha Zacarias nia uma, nia kumprimenta Isabel. 41Wainhira Isabel rona Maria nia lia, kosok oan book an iha nia knotak ho ksolok. Nakonu ho Espiritu Santu, 42Isabel koalia ho lia makaas dehan: “Ita boot diak liu feto hot-hotu! Ita boot nia oan diak liu! 43Be ha’u se los atu ha’u Na’i nia inan hiit an mai ha’u nia uma? 44Basa, ita lia kumprimento nian to’o tiha iha ha’u tilun, kosok oan book an ho ksolok iha ha’u knotak. 45Rahun diak ba ida ne’ebé fiar katak lia ne’ebé Na’i hateten sei sai tuir los duni.” 46Maria hatan: 

“Ha’u klamar hahi Na’i,

47ha’u neon haksolok 

    iha Maromak ha’u Maksoin.

48Basa Nia hare nia atan feto ne’ebé folin laek.

    Tebes duni, houri ohin ba oin

    Ema hotu sei dehan ha’u rahun diak.

49Basa Ida ne’ebé bele buat hotu 

    halo buat kmanek wa’in tebes mai ha’u.

    Nia naran santu.