18ª Semana Tempu Komun: Sábado, loron 09, fulan Agostu, 2025, August 9, 2025

Reflection on the WORD

Maluk sarani sira mak Kristu hadomi, 

“Susar boot sira” – Fiar: iha Evangelho ohin nian, Jesus move ho kompaixaun, duni sai diabu husi ema ida nia oan-mane, tanba nia terus maka’as. Eskolante sira-nia fiar ladún kle’an atu duni sai diabu. Reflete: “Laiha buat ida mak imposivel ba Maromak, se ita iha fiar kle’an iha Nia. . . atu serbisu liu husi ita. Mai ita reza ba sabedoria atu hametin ita-nia fiar iha Jesus.”

Mt 17:14b-20

Labarik ho diabu iha laran

14Wainhira Jesus mai hasouru ema lubun boot, mane ida hakbesik ba Nia, hakneak iha Nia oin hodi dehan: 15“Na’i, sadia netik ha’u nia oan mane, basa nia moras bibimate hodi terus teb-tebes. Nia monu fila fila ba ahi no mos ba be. 16Ha’u lori ona nia ba ita nia eskolante sira no sira la bele halo nia sai diak.” 17Jesus hatan dehan: “Imi ema fiar laek, ema laran aat! Ha’u sei hamutuk ho imi to’o wainhira los? To’o wainhira los Ha’u sei tahan imi? Lori nia mai!” 18Jesus koalia ba nia hodi si’ak, no diabu sai tiha housi nia. Houri oras ne’e labarik sai diak kedas.

19Tuir mai eskolante sira hakbesik ba Jesus mesa-mesak hodi husu ba Nia: “Tansa mak ami la bele duni sai nia?” 20Nia hatan: “Tamba imi nia fiar kiik. Tebes, Ha’u dehan ba imi: imi nia fiar hanesan mustarda musan ida karik, imi sei dehan ba foho ne’e, ‘Book o an housi ne’e ba neba’, no nia sei book an duni; buat ida sei la susar ba imi. 21Ema bele duni sai diabu sira hanesan ne’e ho de’it orasaun no hadera an.

Today's Pointers on God's Word

As you read the passage what words, phases or meanings caught your attention?

  • Iha Evangelho ohin nian, Jesus hakarak atu ita iha “fiar loloos iha Maromak.” Se ita brani atu fiar iha Nia, "ita sei bele muda foho sira" i.e. laiha buat ida maka imposivel ba Maromak.
  • Se ita-nia fiar la “loos no kle’an” entaun ita sei laiha kbiit hasoru “espíritu aat sira” ne’ebé hakarak distrai no dada ita dook husi Maromak.
  • Reflete kona-bá dalan ne'ebé ita moris no ita nia fiar momentu ida ne’e. Ita haré fiar neʼebé loos no kleʼan ka lae? Ko'alia ba Na'i no rona saída maka Nia atu hatete ba ita kona-bá ita nia fiar.