DGEMs

Maluk sarani sira mak Kristu hadomi,

“Jesus nia laran-sadia” – Fiar: Iha Evangelho ohin nian, Jesus kura ema moras sira no fó han ema rihun lima nulu ho paun fuan lima no ikan rua. Realidade divina ida-ne'e hosi Jesus nia domin kompasivu akontese iha ita-nia moris loron-loron. Maibé, infelizmente, dala barak ita konsidera Jesus nia milagre sira hanesan buat baibain de’it tanba ita hetan distrasaun hosi interese superfisiál sira mak hanesan hahan. Reflete: "Husu ba Maromak grasa atu hadomi Nia kle’an liu tan."

Jesus fo han ba ema barak

13Rona tiha buat ne’e, Jesus sa’e ba ro ida hodi ba mesak iha rai fuik maran; maibe hatene tiha ne’e, ema lubun boot husik sidade sira hodi la’o tuir buka Nia. 14Tun housi ro hodi hare ema barak ne’e, Nia Reflete teb-tebes sira hodi fo isin diak ba sira ne’ebé moras. 15Loraik dau-daun ona, eskolante sira hakbesik ba Nia hodi dehan: “Fatin ne’e rai fuik, no kalan besik ona; haruka ema sira ne’e ba ona, atu sira bele sosa aihan iha knua sira.” 16Nune’e Jesus dehan ba sira: “Sira lalika ba; imi rasik fo han sira ba.” 17Sira hatan ba Nia: “Ami iha de’it paun fuan lima no ikan rua.” 18“Lori sira mai,” Nia dehan. 19Hafoin Nia haruka ema lubun boot tur iha du’ut leten. Nia kaer paun fuan lima no ikan rua ne’e, foti matan ba lalehan hodi fo bensa. Tuir mai Nia silu paun sira ne’e hodi fo ba eskolante sira; hafoin sira fahe ba ema lubun boot. 20Sira hotu han to’o bosu; baluk sira ne’ebé resin, sira tau ba luhu sanulu resin rua nakonu! 21Ema sira ne’ebé han hamutuk mane rihun lima, la sura feto no labarik sira.