15ª Semana Tempu Komún: Sábadu, loron 19 fulan Jullu, 2025, July 19, 2025

Reflection on the WORD

Maluk sira mak Kristu hadomi,

 

“Futu-lia atu Oho Jesus”:Iha Evangelho ohin nian, Farizeu sira hahú futu-lia atu oho Jesus. Jesus nia prezensa sai ameasa ida ba Farizeu sira nia kbiit, glória ba an rasik no regra opresivu sira ne’ebé sira impoin ba Judeu sira. Reflete, Maromak kria ita hotu atu moris iha Nia Domin, Lia-los, Mizerikórdia no Justisa. Maibé, karik ita injustu, pekador no buka glória ba an rasik, ita estraga ita nia relasaun ho Maromak no ema hotu.”

Mt 12:14-21

Jesus, Maromak nia Atan

14Sai tiha ba liur, fariseu sira hahu lia tuir malu oin sa atu halakon Nia. 15Tan hatene ona ida ne’e, Jesus hadook An tiha housi fatin neba. Ema barak tuir Nia no Nia fo isin diak ba sira hotu, 16hodi hateten ba sira atu la bele fo hatene ba ema ida. 17Nune’e sai tuir duni buat nebe profeta Isaias dehan nanis: 18“Ha’u nia atan mak ne’e, nebe Ha’u fihir, Ha’u nia doben nebe haksolok Ha’u nia laran teb-tebes. Ha’u sei tau Ha’u nia Espiritu ba Nia, Nia sei haklaken justisa ba nasaun sira. 

19Nia sei la istori malu ho ema eh hakilar; ema ida sei la rona Nia lia iha dalan sira. 20Nia sei la silu tohar tan fafulu nebe atu tohar ona, sei la hu’u mate kabas ahi oan nian nebe sei suar, to’o Nia atu halo justisa manan. 21Iha Nia naran mak nasaun sira sei tau sira nia esperansa.”

Today's Pointers on God's Word

As you read the passage what words, phases or meanings caught your attention?

  • Farizeu sira-nia prejuizu hasoru Jesus maka’as tebes to’o buat ida ne’ebé Jesus halo ka ko’alia sei la loos iha sira-nia futar matan.  Sira halo konspirasaun la'ós de'it atu kontra Nia maibé mós atu oho Nia.
  • Jesus sita hosi profesia sira "Atan ne'ebé terus na’in" hosi Profeta Isaías nian hodi esplika oinsá Nia sei kumpre Nia misaun liu-hosi Nia knaar sakrifísial nian no la'ós liu-hosi pudér no violénsia.
  • Husik ba atu oinsá ita sente la iha esperansa ka fraku, Jesus prontu nafatin atu lori Nia domin, esperansa, no enkorajamentu kurador nian mai ita no ba ema hotu. Reza ba grasa atu haboot ita nia konfiansa iha Maromak Nia Justisa Kompasiva.