DGEMs

Maluk sira mak Kristu hadomi,

“Prátika ita nia Fiar-Justifikasaun sira”: Iha ai-knanoik ohin nian kona-ba Samaritanu Di’ak, Na’i-lulik Judeu nian no Levita sira iha justikasaun barak, basá sira la tulun ema la’o rai ne’ebé kanek. Reflete, “Maibé, Ema Samaritanu book-an moris no hatudu nia kompaixaun ne’ebé boot hodi serbí “ema fuik” ne’ebé sai nu’udar Judeu sira nia ”inimigu.” Ita justifika no fila kotuk hodi la moris tuir Maromak Nia hakarak?”

Ai-knanoik kona ba Samaritanu di’ak

29Maibe, tan nia hakarak sori-an, nia dehan ba Jesus: “Maibe, se mak ha’u nia maluk?” 30Jesus hatan hodi dehan: “Ema ida tun housi Jerusalem ba Jeriko. Nia monu iha na’okten sira nia liman. Sira hadau nia sasan sira hodi baku tasak nia; hafoin sira halai, hodi husik hela nia besik atu mate. 31Amlulik ida liu housi neba; hare tiha ema ne’e, nia hakat ba dalan nia ninin seluk. 32Nune’e mos levita ida liu housi neba: hare tiha ema ne’e, nia hakat ba dalan ninin seluk. 33Maibe, wainhira Samaritanu ida liu housi neba, hare tiha ema ne’e, nia hanoin nia teb-tebes. 34Nia hakbesik, tau mina ho tua ba nia kanek sira hodi falun sira, hafoin foti ema ne’e ba nia kuda rasik no lori nia ba uma ida hodi tau matan ba nia. 36Tuir ita nia hanoin, sira na’in tolu ne’e, ida nebe mak maluk ba ema nebe monu iha na’okten sira nia liman?” 37Nia hatan: “Ida nebe hatudu laran luak ba nia.” No Jesus hateten ba nia: “Ba, hodi halo mos nune’e.”