14ª Semana Tempu Komún: Kinta-feira, loron 10 fulan Jullu, 2025, July 10, 2025

Reflection on the WORD

Maluk sira mak Kristu hadomi,

 

“Serbí Maromak Nia Reinu”-Fiar: Iha Evangelho ohin nian, Jesus haruka Nia eskolante (apóstolu) sira atu serbí Maromak Nia Reinu ne’ebé besik dau-daun atu mai.” Sira tenke serbí hanesan ho Kristu Nia pobreza, umildade, no empeñu tomak. Reflete, ita nia moris sai sasin ba valores Kristu nian ho kredibilidade ka lae? Ka ita prioritiza rasik ita nia komfortu sira no kondisaun sira nudar importante liu?

Mt 10:7-14

7Tuir dalan, haklaken ba katak reinu lalehan besik ona. 8Halo moras sira hetan isin diak ba, halo mate sira moris hi’as fali ba, halo moras lepra sira sai mos, duni sai diabu sira. Imi simu hodi la selu, fo mos hodi la hein ema selu imi. 9Keta lori osan mean, osan mutin eh osan riti iha imi nia futukabun. 10La bele lori kohe tuir dalan, hatais tahan rua, sandalias, eh aitonka; basa serbisu na’in soi atu simu nia kolen.

 11Wainhira imi tama iha sidade ka knua ruma, husu lai ema se mak diak, hodi hela iha neba to’o imi sai. 12Wainhira imi tama iha uma ida, kumprimenta nia ba.  13Uma ne’e soi karik, imi nia dame sei tun ba sira; nia la soi karik, imi nia dame sei fila ba imi. 14Ema la simu imi karik eh rona imi nia liafuan, liki rai rahun housi imi nia ain wainhira imi sai housi uma ka sidade ne’e.

Today's Pointers on God's Word

As you read the passage what words, phases or meanings caught your attention?

  • Jesus husu ba Nia eskolante sira atu haklaken lia-fuan “Reinu Lalehan nian” liu-hosi kura ema moras sira no duni sai “santanas sira”. Ida ne’e laos de’it atu hatudu katak Maromak Nia Lia-fuan kona-ba Salvasaun, maibé mos liu-hosi asaun domin, kompaixaun no laran di’ak nian.  
  • Ita lamenta kona-ba ema la agradese ba ita, tanba uza ita tuir sira nia hakarak. Maibé, dala-barak ita haluha katak ita simu ona bensaun barak tebes ne’ebé gratuita hosi Maromak. Ita iha direitu atu lamenta ka lae?
  • Wainhira ema lakohi rona Maromak Nia Lia-fuan, sira sei nakliki hanesan rai-rahun ne’ebé ema ida liki hosi nia ain. Lahó Maromak Nia mizerikórdia, ita ida labele hetan salvasaun.