14ª Semana Tempu Komún: Kuarta-feira, loron 9 fulan Jullu, 2025, July 9, 2025
Reflection on the WORD
Maluk sira mak Kristu hadomi,
“Lia-Foun Di’ak Salvasaun nian”- Fiar: Iha Evangelho ohin nian, Jesus haruka Nia eskolante (apóstolu) na’in sanulu resin rua atu haklaken Lia-Foun Di’ak Salvasaun nian ba povu Israelita sira no laos ba ema jentiu sira. Reflete, “Maromak Niahakaran mak atu soi (salva)umanidade hotu. Maibé, Maromak Nia Hakaran no Nia Dalan sira kona-ba sé no oinsáLia-Foun Di’ak sei konverte ema sira, ne’e liu ita nia entendimentu. Ita presiza fiar tomak ba Nia.
Mt 10:1-7
Jesus fihir apostolu sira hodi fo knaar ba sira
1Nia bolu nia eskolante sira na’in sanulu resin rua hodi fo kbiit ba sira atu duni sai espiritu foer sira, no mos atu fo isin diak ba sira hotu nebe terus moras oi-oin. 2Apostolu sira nia naran mak ne’e: ida uluk, Simao nebe ema hanaran Pedro, ho nia alin Andre; Tiago, Zebedeu nia oan, ho nia alin Joao; 3Filipe ho Bartolomeu, Tome ho Mateus publikanu, Tiago, Alfeu nia oan, ho Tadeu, 4Simao Kananeu ho Judas Iscariotes, nebe sei saran Nia. 5Jesus haruka ema na’in sanulu resin rua ne’e la’o ba hodi hanorin uluk sira dehan: “Keta tuir gentiu sira nia dalan, keta tama iha Samaritanu sira nia sidade, 6maibe buka uluk bibi sira nebe lakon housi umakain Israel nian. 7Tuir dalan, haklaken ba katak reinu lalehan besik ona.
Today's Pointers on God's Word
As you read the passage what words, phases or meanings caught your attention?
- Nu’udar Na’i Nia eskolante, apóstolu na’in sanulu resin rua nia knaar prometidu mak haklaken Na’i Nia lia-fuan. Jesus la dehan ba sira atu halo buat sira hanesan “muda foho sira ka haruka ahi tuun mai hosi lalehan, maibé atu ‘kura moras sira ne’ebé oi-oin.’
- Los duni, Jesus Nia preokupasaun prinsipál mak laos konab-ba atrasaun no puder, maibé kona-ba domin no kompaixaun. Nia domin mai ita la iha limitasaun no ita nia di’ak sempre iha uluk Nia neon.
- Nu’udar Na’i Nia eskolante, ita nia knaar mak tenke habelar Maromak Nia lia-fuan ba ema hotu ne’ebé lakon (ne’ebé moris iha sala nia laran) no buka Maromak (Israel nia Bibi sira ne’ebé Lakon) no esperansa lolós (jenuina) ne’ebé mundu labele fó.