14ª Semana Tempu Komún: Tersa-feira, loron 8 fulan Jullu, 2025, July 8, 2025
Reflection on the WORD
Maluk sira mak Kristu hadomi,
“Hamrook ba Maromak”-Fiar: Iha Evangelho ohin nian, Jesus haklakenLia-Foun Di’ak Maksoin nian no kura ema hosi moras oi-oin. Maibé, Farizeu sira halo akuzasaun falsa ba Jesus hodi dehan katak Nia uza kbiit diabu nian hodi kura ema moras sira. Reflete, “Wainhira ita rejeita Jesus hanesan Farizeu sira, ita kondena ita nia-an rasik no harahun ita nia relasaun no dame ho Maromak.”
Mt 9:32b-38
Matan delek rua ho monok ida sai diak.
32Sira sai dau-daun, ema lori ba Nia ema monok ida ho diabu iha laran. 33Nia duni sai diabu, no ema monok ne’e koalia ona. Ema lubun hakfodak hodi dehan: “Ema ida seidauk hare buat ruma hanesan ne’e iha Israel.” 34Maibe fariseu sira dehan: “Hodi diabu sira nia ulun mak Nia duni sai diabu sira.”
To’os boot, maibé to’os atan uitoan
35Jesus la’o lemo sidade ho knua sira hodi hanorin iha sinagoga sira no haklaken liafoun diak reinu nian; fo mos isin diak ba ema moras sira no ba sira hotu nebe terus. 36Hare tiha ema lubun boot, Nia hanoin teb-tebes sira basa sira kole no neon nakraik, hanesan bibi sira nebe bibi-atan la iha. 37Tan ne’e Nia dehan ba eskolante sira: “To’os boot duni, maibe serbisu na’in uitoan. 38Ne’e duni imi harohan ba to’os na’in atu haruka serbisu na’in sira ba nia to’os.”
Today's Pointers on God's Word
As you read the passage what words, phases or meanings caught your attention?
- Dalaruma ita sente ajitadu, laran-susar no la iha kbiit iha mundu sekular materialista ne’ebé ita hela ba, tanba ita espiritualmente lakon no hamrook ba Maromak?
- Jesus asegura ita kona-ba Maromak Nia grasa maksoin nian se ita hatan no fila ba Nia ho fiar no konfia no tuir Nia ukun-fuan sira hadomi “Maromak no ita nia maluk sira.”
-
Na’i hakarak ita atu koko (esperimenta) rikeza kolleita Ninia to’os no oinsá kolleita ne’e barak tebes duni! Bele ka ita hetan kbiit iha ita nia-an atu serbí nu’udar to’os atan iha Na’i Nia to’os? Atu serbí Nia ne’ebé haraik buat hotu mai ita?