DGEMs

Maluk sira mak Kristu hadomi,

“Misaun Salvasaun nian”-Fiar”: Iha Evangelho ohin nian, Jesus haruka Nia eskolante sira atu ba haklaken Lia-Foun Di’ak Salvasaun nian ba povu hotu. Nu’udar Mesias, Jesussei sai sasin no haklaken Lia-Los ne’ebé hanesan. Reflete, “nu’udar ema fiar na’in ba Jesus, ita sai sasin ba Jesus Nia Evangelho ho kredibilidade ka lae? Ka ita justifika no aseita wainhira ita moris dau-daun tuir Lia-los Evangelho nian?”

Jesus haruka eskolante na’in hitu nulu resin rua

1 Ne’e hotu tiha, Na’i fihir eskolante hitu nulu resin rua tan, hodi haruka sira rua rua atu ba uluk iha sidade no fatin sira nebe Nia atu ba. 2Nia dehan ba sira: “To’os boot duni, maibe serbisu na’in sira uitoan deit. Tan ne’e, husu to’os na’in ba atu haruka serbisu na’in sira ba Nia to’os. 3La’o ba. Ha’u haruka imi ba nudar bibi oan sira iha asu fuik sira le’et. 4Keta lori bukae, kohe eh sandalias. Keta kumprimenta ema ida iha dalan. 

5Imi tama karik iha uma ida, uluk knanain dehan: ‘Dame ba uma ne’e!’ 6Iha karik ema dame na’in ida iha neba, imi nia dame sei horik ho nia; lae karik, sei fila fali ba imi. 7Hela iha uma ne’e ba, han hemu buat nebe sira iha; basa serbisu na’in soi atu simu nia kolen. Keta tama uma sai uma sira. 8Imi tama iha sidade ida no sira simu imi karik, han ba buat nebe sira fo ba imi. 9Fo isin diak ba ema moras sira iha neba, hodi hateten ba sira: ‘Maromak nia reinu besik ona imi’