13ª Semana Tempu Komún: Sesta-Feira, loron 4 fulan Jullu, 2025, July 4, 2025

Reflection on the WORD

Maluk sira mak Kristu hadomi,

 

“Maromak Nia Domin Mizerikórdiozu”: Iha Evangelho ohin nian, Jesus sai sasin Lia-Los Maromak Nia Domin Mizerikórdiozu nian ba ema hotu. Nia bolu Mateus, sala na’in públiku-kobrador impostu hodi sai Nia eskolante. Mateus sai pilar boot Kreda nian entre eskolante sira seluk, hodi sai Nia eskolante. Reflete, Jesus Nia mizerikórdia revela virtude ida hodi fó hanoin ita atu hadomi ema se de’it sein halo julgamentu ba sira.

Mt 9:9-13

Jesus bolu Mateus

9Sai tiha housi neba, Jesus hare ema ida naran Mateus, tur hela iha fatin kobra impostu nian hodi dehan ba nia: “Tuir Ha’u mai!” Nia hamriik hodi tuir Jesus. 10Jesus tur hela iha uma laran, ema publikanu no maksalak barak mai tur ho Nia, hamutuk ho nia eskolante sira. 11Hare tiha ne’e, fariseu dehan ba eskolante sira: “Nusa mak imi nia Mestre han hamutuk ho publikanu no maksalak sira?” 12Rona tiha sira, Jesus dehan: “La’os sira nebe isin diak mak kuran doutor, maibe sira nebe moras. 13Imi buka hatene liafuan ne’e katak sa: ‘Ha’u hakarak laran luak, la’os sakrifisiu.’ Basa Ha’u mai la’os atu bolu ema los sira, maibe ema maksalak sira.”

Today's Pointers on God's Word

As you read the passage what words, phases or meanings caught your attention?

  • Liu-hosi bolu Mateus, kobrador impostu ne’ebé ema Judeu sira despreza, Jesus hatudu momós saida mak Nia dehan “Ha’u mai laos atu bolu ema laran loos sira, maibé sala na’in sira.”
  • Ita iha atitude “santu liu fali ó” katak despreza maksalak sira iha ita nia sosiedade ka ema sira ne’ebé ita la gosta? Ita iha prejuizu ba ema sira hanesan ne’e to’o ita labele hare buat di’ak ruma iha sira?
  • Ita hotu mesak sala-na’in, maibé Maromak hadomi ita no hatudu nia mizerikórdia no laran di’ak mai ita. Nia hakarak ita atu halo hanesan nune’e ba ita nia maluk sira, liu-liu ba sira ne’ebé presiza tebes tulun espiritual nian.