DGEMs

Maluk sira mak Kristu hadomi,

“Tomas nia Dúvida sira- Fiar”: Iha Evangelho ohin nian, Tomas ezije provas fizikais kona-ba Jesus Nia moris hias molok nia bele fiar. Reflete, “wainhira ita hetan teste maka’as iha ita nia fiar, ita mos iha dúvida sira ba Jesus, hanesan Tomas nian? Ita simu ona grasa Espíritu Santu iha sakramentu krizma nian, tan ne’e fiar lolós iha Maromak liu-hosi Espíritu Santu.

Jesus mosu ba eskolante sira

24Tome, sira na’in sanulu resin rua ne’e ida, nebe ema hanaran Kaduak, la hamutuk ho sira wainhira Jesus mosu. 25Tan ne’e, eskolante sira hateten ba nia: “Ami hare ona Na’i!” Maibe nia hatan ba sira: “Ha’u la hare karik besi kusan nia kuak iha Nia liman, la tau karik ha’u nia limanfuan iha besi kusan fatin, no la hatama karik ha’u nia liman iha nia  sorin, ha’u sei la fiar.” 26Liu tiha loron ualu, eskolante sira halibur fali iha uma laran. Tome mos hamutuk ho sira. Odamatan sei taka hela, Jesus mosu hodi hamriik iha sira leet dehan: “Dame hela ho imi!” 27Hafoin Nia hateten ba Tome: “Lori o nia limanfuan mai, no hare Ha’u nia liman; lolo o nia liman hodi hatama iha Ha’u nia sorin. O keta laran tos, maibe fiar!” 28Tome hatan dehan ba Nia: “Ha’u Na’i, ha’u Maromak!” 29Jesus lia tun teni ba nia: “O fiar tan o hare tiha Ha’u? Ksolok ba sira nebe fiar maski la hare.”