13ª Semana Tempu Komún: Kuarta-Feira, loron 2 fulan Jullu, 2025, July 2, 2025

Reflection on the WORD

Maluk sira mak Kristu hadomi,

 

“Kbiit Dominiu- Fiar iha Maromak”: Iha Evangelho ohin nian, Jesus duni sai diabu sira ne’ebé “perigozamente violentu”. Reflete,Demóniu sira ameasa ema. Maibé sira “la iha kbiit” basá sira ta’uk tebes wainhira sira hasoru Jesus. Wainhira ita iha fiar metin ba Jesus, Espíritu Santu bele duni sai demóniu hotu ne’ebé hakarak harahun ita nia fiar iha Jesus. Tau konfiansa tomak iha Jesus.

Mt 8:28-34

Ema sira ho diabu iha laran sai diak fali

28To’o tiha sorin balun ba, iha rai Gadara, ema na’in rua ho diabu iha laran mai housi rate hasouru Nia. Sira si’ak la diak, halo ema ida la bele liu housi dalan neba. 29Teki-teki sira hakilar. “Iha sa ida ho O no ami, Jesus, Maromak Oan? O mai iha ne’e atu halo ami terus molok nia tempu?” 30Besik iha neba fahi lubuk ida han du’ut dau-daun. 31Diabu sira husu ba Nia: “O duni sai ami karik, haruka ami tama ba fahi sira neba.” 32Nia dehan ba sira: “Tama ba!” Sira sai no tama ba fahi sira laran; sira ne’e haksoit housi rai tatinis ba tasi hodi mate hotu iha be laran. 33Fahi atan sira halai ba sidade hodi haktuir buat hotu ne’e, no mos kona ba buat nebe mosu ba ema nebe iha diabu iha laran. 34Sidade tomak sai mai hasouru Jesus. Wainhira sira hare Nia, sira husu Nia atu husik sira nia rai.

Today's Pointers on God's Word

As you read the passage what words, phases or meanings caught your attention?

  • Iha Evangelho ohin nian, ita haré forsa destrutiva hosi demóniu na’in rua ne’ebé oho fahi lubun ida, hafoin sira husu Jesus atu liberta sira. 
  • Jesus iha kbiit no autoridade divina ba Satanás no nia espíritu aat sira. Jesus bele liberta ita no hakarak liberta ita hosi buat hotu ne’ebé kesi hela ita no hadook ita hosi Maromak Nia domin.
  • Ita hakarak Jesus atu hakore ita hosi kesi-an (apegu) sira iha moris ne’ebé prevene ita hosi esperimenta ksolok atu moris iha Maromak Nia prezensa no halo Maromak Nia hakaran? Konversa ho Na’i hosi ita nia fuan.