13ª Semana Tempu Komún: Tersa-Feira, loron 1 fulan Jullu, 2025, July 1, 2025
Reflection on the WORD
Maluk sira mak Kristu hadomi,
“Tau konfiansa iha Jesus”: Iha Evangelho ohin nian, eskolante sira hasoru perigu boot atu mout iha tasi laran tanba anin boot tebes, no Jesus toba dukur hela iha ró ne’ebé eskolante sira uza. Reflete, karik ita iha ró ne’ebé hanesan, ita sei tau konfiansa tomak iha Jesus no fiar katak ita sei la mout basá Nia hamutuk ho ita?Ka ita sei dúvida ho Jesus no pánikuno buka seguransa falsa sira”?
Mt 8:23-27
Tasi boot sai hakmatek
23Tuir mai Jesus sa’e ba ro hamutuk ho Nia eskolante sira. 24Teki-teki, tasi hahu si’ak maka’as, laloran tama makaas iha ro laran, maibe Nia toba dukur hela. 25Eskolante sira hakbesik hodi fanu Nia dehan: “Na’i, soi ami, ami atu mate.” 26Jesus dehan ba sira: “Tansa imi tauk, imi sira fiar kiik?” Hafoin Nia hamriik hodi siak anin ho tasi, no buat hotu sai hakmatek. 27Sira hakfodak hodi dehan: “Ema ne’e se los, nebe anin ho tasi mos halo tuir deit.
Today's Pointers on God's Word
As you read the passage what words, phases or meanings caught your attention?
- “Anin no laloran boot” iha Evangelho ohin nian bele simboliza “anin no laloran boot moris nian” ne’ebé ita hasoru iha ita nia moris prezente ka krize sira ne’ebé ita hasoru iha pasadu.
- Jesus fó hanoin Nia eskolante sira atu iha liu-tan fiar ba Nia, basá enkuantu anin no laloran, susar no terus sira iha ita nia moris parese ameasa ita, la iha buat ida mak sei manan Jesus Nia prezensa no protesaun divina.
- Reflete lia-los ida ne’e no hafoun ita nia konfiansa iha Maromak ne’ebé sei nunka failla ita. Ko’alia ba Na’i hosi ita nia fuan no sente Nia domin ne’ebé asegura.