DGEMs

Maluk sira mak Kristu hadomi,

“Domin la ho kondisaun”: Jesus fó sai ba Eskriba no Farizeu sira, “Se ita-nia bibi ida mak lakon, ita husik bibi sira sia nulu-resin-sia iha rai-fuik maran, hodi buka ida ne’ebé lakon to’o hetan fali nia?”Reflete; “Ita-nia fuan senti ka la’e ema kiak no presiza tebes tulun, iha depresaun, sira ne’ebé lakon sira-nia fiar iha Maromak? Ka, ita la senti tokadu ho sira-nia sofrimentu sira?”

Jesus haktuir ba sira aiknanoik ida ne’e: “Imi ida ne’ebé mak, iha karik bibi atus ida no lakon tiha ida, la husik sia nulu resin sia seluk iha rai fuik maran, hodi ba buka ida ne’ebé lakon to’o hetan nia? Hetan tiha, nia tau bibi ne’e ho ksolok iha nia kbaas. To’o tiha uma, nia bolu belun no maluk sira, hodi dehan ba sira: ‘Haksolok ho ha’u ba, basa ha’u hetan fali ona ha’u nia bibi ne’ebé lakon.’ 

     Ha’u dehan ba imi katak iha lalehan sei haksolok tamba ema maksalak ida ne’ebé hakribi nia sala, liu fali ema diak sia nulu resin sia ne’ebé la kuran atu hakribi sala.”